У Гомелі назіральніку не дазволілі ехаць з членамі камісіі да выбаршчыкаў на дом

У Гомелі назіральніку Наталлі Крывашэй старшыня УВК не дазволіў ехаць разам з членамі камісіі да выбаршчыкаў, якія пажадалі прагаласаваць дома. Адбылося гэта на ўчастку №8 Савецкага раёна. «Я заўважыла, што старшыня камісіі выдаў вялікі стос бюлетэняў членам камісіі, якія сабраліся выехаць з урнай на дом. Між тым, было толькі 64 заяўкі ад выбаршчыкаў, а бюлетэняў бралі чамусьці значна больш. Я прасіла старшыню камісіі, каб дазволіў паехаць і мне, як назіральніку, з членамі камісіі. Старшыня камісіі адказаў, што, канечне, я маю такое права, але ў аўтамабіль мяне не возьмуць», - распавяла Наталля Крывашэй.

“Праваабаронцы за свабодныя выбары”