Праваабарончы цэнтр «ВЯСНА»

Навіны за 13 сакавіка 2014

13.03.2014 Мазыр: кандыдату ў абласны савет вынеслі папярэджанне

Як паведамляе назіральнік Уладзімір Целяпун, кандыдата абвінавацілі ў тым, што ён распаўсюджваў свае агітацыйныя матэрыялы без стварэння выбарчага фонда кандыдата і парушыў артыкулы 45 і 47 Выбарчага кодэкса Беларусі. Уладзмір Рэпко балатуецца ад Аб'яднанай грамадзянскай партыі.

13.03.2014 Магілёўская міліцыя зрывае акцыю “За добрыя дарогі”

На арганізатара традыцыйнай вясенняй акцыі аўтамабілістаў Іллю Палоннікава заведзена адміністрацыйная справа, а падчас агляду яго кватэры міліцыянтамі забраны на экспертызу два ноўтбукі. Акцыю “За добрыя дарогі” аўтамабіліст Ілля Палоннікаў арганізоўваў праз групу ў сацыяльнай сетцы “Укантакце”.

13.03.2014 У ЦІП на Акрэсціна адмовіліся прымаць ад грамадзян тэлевізары для затрыманых

Начальнік Цэнтра патлумачыў, што бязвыплатную дапамогу арганізацыям маюць права аказваць толькі юрыдычныя асобы і індывідуальныя прадпрымальнікі.

13.03.2014 Следчы камітэт праводзіць праверку па справе падлогу дакументаў старшынёй віцебскай гарадской выбарчай камісіі

Віцебскія актывісты Аляксей Гаўруцікаў і Хрыстафор Жаляпаў лічаць старшыню камісіі вінаватай у крымінальным злачынстве – падлогу і фальсіфікацыі дакументаў падчас праверкі сапраўднасці подпісаў і рэгістрацыі кандыдатаў у дэпутаты.

13.03.2014 Праваабаронцы запускаюць інтэрактыўны рэсурс па назіранні за мясцовымі выбарамі

Далучыцца да кампаніі зможа кожны ахвотны - дастаткова запоўніць на сайце анкету і даслаць свае вынікі назірання на канкрэтным выбарчым участку.

13.03.2014 Гродна: Петыцыю супраць тытунёвых кіёскаў падпісала больш за 3000 чалавек

Аўтары петыцыі патрабуюць, каб колькасць кіёскаў у адкрытай гарадской прасторы была змешчана, кіёскі зніклі з прыпынкаў грамадскага транспарту і былі перанесеныя ў існуючыя крамы, рынкі, супермаркеты. Яны таксама лічаць, што колеры кіёскаў павінны быць менш яскравымі і на іх не павінна быць надпісу “Табак”.

13.03.2014 У Магілёве высяляюць з інтэрната жанчыну з двума непаўнагадовымі дзецьмі

Такое рашэнне 12 сакавіка прыняў суд Ленінскага раёна горада.

13.03.2014 Баранавічы: кандыдат працягвае змаганне за друкаванне сваёй перадвыбарчай праграмы

Кандыдат у дэпутаты Брэсцкага абласнога савета дэпутатаў Мікалай Чарнавус працягвае змаганне за друкаванне сваёй перадвыбарчай праграмы. Ён накіраваў галоўнаму рэдактару дзяржаўнай газеты “Наш край” заяву, у якой паведаміў, што ўнёс некаторыя змены ў сваю праграму і просіць яе надрукаваць.

13.03.2014 БРСМаўцаў адправяць будаваць Астравецкую АЭС

Беларускі Рэспубліканскі Саюз Моладзі накіруюць на будоўлю атамнай электрастанцыі ў Астраўцы. Аляксандр Лукашэнка надаў АЭС статус Усебеларускай моладзевай будоўлі.

13.03.2014 Актывісты ў Наваполацку падалі заяўку на пікет у Дзень Волі

Мэта пікету - патрабаванне ад уладаў Беларусі неадкладнага вызвалення палітвязняў. У выпадку, калі мясцовыя ўлады адмовяць заяўнікам, яны збіраюцца абскардзіць рашэнне выканкаму ў судзе.

13.03.2014 У Мінску правераць інфраструктуру на даступнасць

Офіс па правах людзей з інваліднасцю пачынае маніторынг безбар'ернага асяроддзя аб'ектаў Чэмпіянату свету па хакеі 2014.

13.03.2014 У Магілёве кандыдат дабіўся перадруку ўлётак з біяграфічнымі дадзенымі

Члены выбарчай камісіі ўжо паспелі распаўсюдзіць палову надрукаванага наклада ўлётак па Ямніцкай выбарчай акрузе №35 (абласны Савет дэпутатаў) і ўвесь наклад па Завадской выбарчай акрузе №3 (гарадскі Савет дэпутатаў), аднак пасля скаргі Паўлоўскага ў абласную пракуратуру і абласную выбарчую камісію прыпынілі распаўсюд гэтых улётак.

13.03.2014 БАЖ прыняла заяву з нагоды гвалту супраць журналістаў у Крыме

Праўленне “Беларускай асацыяцыи журналістаў” звярнулася да усіх асобаў і арганізацый, задзейнічаных у канфлікце у Крыме, з заклікам тэрмінова спыніць гвалт і забяспечыць належныя ўмовы працы для журналістаў.

13.03.2014 Замест пікету ў Дзень Канстытуцыі будзе судовы працэс

12 сакавіка пенсіянеркі Валянціна Каваленка і Любоў Санкевіч абскардзілі ў судзе Бабруйскага раёну і горада Бабруйск дзеянні мясцовай выканаўчай улады, якая не дазволіла жанчынам правесці пікет у Дзень Канстытуцыі 15 сакавіка.

13.03.2014 Старшыня Мікашэвіцкага гарвыканкама Анатоль Давыдовіч дазволіў сабе рукапрыкладства ў адносінах да кандыдата

Кандыдат у дэпутаты Мікашэвіцкага гарсавета Леанід Дубаносаў завітаў да дырэктаркі мясцовага Дома культуры “Граніт”, каб узгадніць час сустрэчы з выбаршчыкамі, запланаванай на 16 сакавіка. Нягледзячы на тое, што ДК вызначаны гарвыканкамам для сустрэч кандыдатаў з выбаршчыкамі, дырэктарка сказала, што сама не можа прыняць рашэнне.