Баранавічы: кандыдат працягвае змаганне за друкаванне сваёй перадвыбарчай праграмы

Кандыдат у дэпутаты Брэсцкага абласнога савета дэпутатаў па Баранавіцкай Заходняй выбарчай акрузе №21 Мікалай Чарнавус працягвае змаганне за друкаванне сваёй перадвыбарчай праграмы. Ён накіраваў галоўнаму рэдактару дзяржаўнай газеты “Наш край” заяву, у якой паведаміў, што ўнёс некаторыя змены ў сваю праграму і просіць яе надрукаваць.

– Мне паведамілі, што маю праграму паслалі ў Цэнтральную выбарчую камісію да Лідзіі Ярмошынай. Але прайшло ўжо 2 тыдні, а праграму не толькі не друкуюць, але і ніхто не робіць аніякіх прапаноў. Таму я сам ўнёс невялікія змены ў сваю праграму і патрабую яе надрукаваць. Я па-ранейшаму заклікаю грамадзян горада не галасаваць за прадстаўнікоў дырэктарскага корпуса, а галасаваць за тых, хто вядзе адкрытую барацьбу з карупцыяй, якая у нас у горадзе квітнее, – паведаміў Мікалай Чарнавус.

Сёння Мікалай Чарнавус адзіны з 43 кандыдатаў у дэпутаты, хто спрабуе надрукаваць сваю перадвыбарчую праграму ў афіцыйнай гарадской газеце і друкарні горада.

“Праваабаронцы за свабодныя выбары”