Праваабарончы цэнтр «ВЯСНА»

Навіны за Красавік 2013

19.04.2013 Ігар Аліневіч. Еду ў Магадан

19 красавіка ў Менску ў офісе БНФ адбудзецца прэзэнтацыя кнігі палітвязьня Ігара Аліневіча «Еду ў Магадан». Ігар адбывае 8 гадоў пазбаўленьня волі за атаку на расейскую амбасаду ў Менску і іншыя акцыі анархістаў.

19.04.2013 Міліцыя апытвае суседзяў кіраўніка слонімскай суполкі БХД

Міліцыянеры, па словах гараджан, пыталіся ў іх, ці шмат народу збіраецца ў хаце Івана Бедкі на вуліцы Пушкіна, ці крычаць яны, ці п’юць гарэлку і г.д. Пасля размоваў супрацоўнікі міліцыі складаюць пратаколы апытання.

19.04.2013 Ілоне Ткачовай прапанавалі забраць з мытні ноутбук і фотапарат

Мытнікі з беларуска-украінскага прапускнога пункта “Новая Гута” прапанавалі сябру партыі “Справядлівы свет” са Жлобіна Ілоне Ткачовай забраць раней сканфіскаваны ноутбук і фотапарат.Відавочна, што інфармацыя, якая прайшла ў інтэрнэце, нагадала памежнікам, што ўсе магчымыя тэрміны сапраўды скончыліся.

19.04.2013 Жлобін: працягваецца разгляд справы сябра “Справядлівага свету”

На судзе прысутнічаў праваабаронца Валеры Шчукін, які падчас апошняга судовага працэсу, 27 сакавіка, спрабаваў рабіць аудыёзапіс, але суддзя Алена Ярмольчык забараніла карыстацца дыктафонам. Толькі паўторны зварот Валерыя Шчукіна да старшыні суда Віктара Малашанкі вырашыў гэтую праблему.

19.04.2013 Затрыманых журналістаў адпусьцілі з Маскоўскага УУС

Журналіст Радыё Свабода Алег Грузьдзіловіч і відэаапэратар інфармацыйнай кампаніі БелаПАН Сяргей Сацюк асьвятлялі акцыю пратэсту, якую ладзіла грамадзкая ініцыятыва «Супраць беззаконьня ў судах і пракуратуры» на плошчы Незалежнасьці.

19.04.2013 У Беларусі створана нефармальная кааліцыя меншасцяў

Кааліцыя не афармлялася пэўнымі дамовамі, але шэраг арганізацыяў ды суполак, што аб'ядноўваюць меншасці, - ад людзей з абмежаванымі магчымасцямі да прадстаўнікоў нетрадыцыйнай сэксуальнай арыентацыі - працуюць разам над стварэннем праекта антыдыскрымінацыйнага закона.

19.04.2013 Ці варта асцерагацца прадаўцам і ўладальнікам фотаальбома «Прэс-фота»?

18 красавіка ГА “БАЖ” высветліла, што «Кніжны салон» адмовіўся прадаваць фотаальбом «Прэс-фота» – нягледзячы на тое, што на той момант суд першай інстанцыі яшчэ нават не агучыў свайго рашэння. На краму ніхто не ціснуў, гэта рашэнне ўласнікаў. Ці апраўданыя такія перасцярогі? Што гаворыць на гэты конт закон і што – практыка?

19.04.2013 ГА “БАЖ” нязгоднае з рашэннем суда ў Ашмянах

ГА “Беларуская асацыяцыя журналістаў” выказвае нязгоду з рашэннем суда Ашмянскага раёна аб прызнанні фатаальбома “Прэс-фота Беларусі 2011” экстрэмісцкімі матэрыяламі. Cам факт разгляду гэтай справы ў судзе выглядаў абсурдна, і менавіта ён, а не змест альбома, здольны “падарваць давер да органаў улады”.

18.04.2013 Летась узбуджана 20 крымінальных спраў па фактах нестатутных узаемаадносін у войску

Інфармацыя пра гэта з'явілася ў беларускай ваеннай газеце "Во славу Родины".

18.04.2013 Леанід Судаленка дамагаецца кампенсацыі маральнай шкоды з-за невыканання рашэння Камітэта ААН

Праваабаронца Леанід Судаленка падаў у суд Цэнтральнага раёна Гомеля пазоў да казны (Міністэрства фінансаў) аб кампенсацыі маральнай шкоды з-за невыканання ўладамі рашэння Камітэта па правах чалавека ААН. Маральную шкоду ён ацэньвае ў памеры заробку дэпутата парламента за чатыры гады паўнамоцтваў.

18.04.2013 Слонім: удзельнікаў святкавання Дня Волі дапытвае міліцыя

Сябры Слонімскага згуртавання дэмакратычных сіл прыйшлі да высновы, што ўсе, хто прымаў удзел у Дні Волі ў Слоніме і сфатаграфаваны на гэтым здымку (глядзіце фота), размешчаным у інтэрнэце, выклікаюцца для “прафілактыкі” у міліцыю.

18.04.2013 Ашмянскі суд: альбом “Прэс-фота Беларусі – 2011” утрымлівае экстрэмісцкія матэрыялы

18 красавіка суд Ашмянскага раёну вынес сваё рашэньне паводле заявы УКДБ па Гарадзенскай вобласьці «Аб прызнаньні інфармацыйнай прадукцыі экстрэмісцкімі матэрыяламі». Суд прызнаў “Прэс-фота Беларусі – 2011” экстрэмісцкім і пастанавіў знішчыць 41 асобнік выдання, раней канфіскаваны беларускай мытняй.

18.04.2013 Гродна: Актывісты АГП пачынаюць збор кніг для зняволеных

Гарадзенскія актывісты АГП прапанавалі правесці кампанію па зборы кніг і наступнай перадачы іх у Гродзенскую крытую турму.

18.04.2013 Баранавічы: актывіста спрабуюць прыцягнуць да адміністрацыйнай адказнасці з любой нагоды

Мікалай Чарнавус: "Лічу, што мяне пераследуюць за маю актыўную грамадзянскую пазіцыю. Мяне штрафуюць за арганізацыю дабрачынных абедаў. Цяпер незаконна і з вялікімі парушэннямі склалі пратакол аб парушэнні правіл дарожнага руху, якія я не парушаў".

18.04.2013 Полацкі суд адмовіў у аднаўленні на працы актывісту СПБ Віктару Стукаву

12 судовых пасяджэнняў давялося прайсці звольненаму з "Полацк-Шкловалакна" лідару "пярвічкі" СПБ, але гэта аказалася безвыніковым. Суддзя Ірына Даротка стала на бок наймальніка, які звольніў прафсаюзнага лідара нібыта за парушэнні тэхнікі бяспекі і рэжыму працы.