Праваабарончы цэнтр «ВЯСНА»

Навіны за 23 красавіка 2013

23.04.2013 Грамадзяне і НДА выступаюць супраць знішчэння балотаў

Аргкамітэт грамадскай кампаніі «У абарону беларускіх балот» выказвае пратэст супраць распрацоўкі балотных тэрыторый у межах ахоўваемых заказнікаў.

23.04.2013 Міністэрства інфармацыі чарговы раз адмовіла часопісу “Arche. ПАЧАТАК”

Дзяржаўнае ведамства у чацверты раз адмовілася ўнесці змены ў звесткі аб рэгістрацыі выдання, што ставіць пад пытанне захаванне часопіса.

23.04.2013 Міністры замежных спраў ЕС абмеркавалі беларускую праблему

Як паведаміў кіраўнік літоўскай дыпламатыі Лінас Лінкявічус, міністры ацанілі рашэнне афіцыйнага Мінску аднавіць прадстаўніцтва Швецыі. Таксама яны выказалі надзею, што з набліжэннем віленскага саміту з'явяцца і іншыя прыкметы нармалізацыі адносін паміж Беларуссю і ЕС, перадае ru.delfi.lt.

23.04.2013 Прэзыдэнт ФРГ: Мне б хацелася, каб палітычная сытуацыя ў Беларусі зьмянілася

У сваім звароце да Парлямэнцкай асамблеі Рады Эўропы Ёахім Гаўк заклікаў краіны Ўсходняй Эўропы захоўваць правы чалавека. Ён выступіў за дэмакратычныя рэформы ў Беларусі і за незалежнасьць Косава.

23.04.2013 У Віцебску зноў забаранілі пікет з-за "сезонных захворванняў"

"Такія абвастрэнні ў іх здараюцца штомесяц: у лютым сэзонныя захворванні абвастрыліся, калі я замаўляў імпрэзу да ўгодкаў паўстання Кастуся Каліноўскага. У сакавіку абвастрэнняў чакалі якраз у Дзень Волі. Цяпер, здаецца, пацяплела, аднак – не: зноў паабвастраліся захворванні напярэдадні 26 красавіка!"

23.04.2013 Зьбіраюць подпісы ў абарону Андрэя Гайдукова

Зварот, які ініцыявалі актывісты праваабарончай групы «За волю», 24 красавіка накіруюць у амбасады і прадстаўніцтвы міжнародных праваабарончых арганізацый.

23.04.2013 Леанід Аўтухоў: "Мяне выклікаюць у міліцыю як крымінальніка?"

Як вынікае з позвы, атрыманай кіраўніком Віцебскай абласной арганізацыі Партыі БНФ, яго выклікае на допыт супрацоўнік крымінальна-вышуковай службы Кастрычніцкага РАУС. Позва выпісана на 24 красавіка.

23.04.2013 Паўлу Вінаградаву - 12 сутак арышту

Актывіста моладзевай арганізацыі «Zмена» кампаніі «Гавары праўду» Паўла Вінаградава 23 красавіка судзяць у Цэнтральным судзе Менска. Адміністратыўную справу разглядае суддзя Вікторыя Шабуня. Вінаградава вінавацяць у парушэнні арт. 23.34. КаАП РП (парушэнне парадку правядзення масавага мерапрыемства). Прысуд - 12 сутак арышту.

23.04.2013 Генпракуратура зацягвае разгляд справы

Сутнасць скаргі Сяргея Гоўшы палягала ў тым, што ён запатрабаваў да дзяржавы кампенсацыю маральнай шкоды ў сувязі з тым, што Беларусь не выканала Меркаванні Камітэта па правах чалавека ААН па ўзнаўленні рэгістрацыі Праваабарончага цэнтра “Вясна”, ён, як адзін з заснавальнікаў, да гэтага часу пазбаўлены магчымасці займацца грамадскай дзейнасцю.

23.04.2013 Уладзімір Шыла: Не будзе сапраўднага самакіравання - не будзе лесапарку (фота)

У беларускай сталіцы шахцёраў зноўку высеклі катэгарыйны лесапарк. Гэтым разам была знішчана частка ландшафтна-рэкрэацыйнай зоны ў межах пабудовы элітнага жыллёвага комплексу “Зялёная выспа” на вуліцы Заслонава.

23.04.2013 Палітвязня Аліневіча тры тыдні трымалі ў ізалятары

Ігар Аліневіч адбыў 20 дзён у штрафным ізалятары. Пра гэта палітычны вязень паведаміў ў лісце да маці Валянціны Аліневіч. Паводле жанчыны: "Ігар напісаў, што толькі што выйшаў з ШІЗА". Для вязня гэта другое пакаранне штрафным ізалятарам:

23.04.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: матэрыялы альбома "Прэс-фота Беларусі - 2011" суд прызнаў экстрэмісцкімі. Грамадскасць цікавіцца, ці варта асцерагацца прадаўцам і ўладальнікам апальнага фотаальбома. Госця рубрыкі "Асоба. Дзяржава. Грамадства" - лідарка "Маладой хрысціянскай дэмакратыі" Марына Хоміч.