Праваабарончы цэнтр «ВЯСНА»

Навіны за 29 красавіка 2013

29.04.2013 Рэха “Чарнобыльскага шляху”: суды ў Менску (дадаецца)

У судзе Савецкага раёну Менска (Лагойскі тракт, 3) адбудзецца разгляд адміністратыўных спраў журналістаў беларускага Радыё Рацыя Генадзя Барбарыча і Аляксандра Ярашэвіча.

29.04.2013 Стэфан Эрыксан прэміраваны за працу ў Беларусі

Былы амбасадар Швецыі ў Беларусі Стэфан Эрыксан быў ганараваны міжнароднай прэміі імя Марка Палмера за сваю дыпламатычную працу ў Менску.

29.04.2013 30 красавіка - Міжнародны дзень салідарнасці з грамадзянскай супольнасцю Расіі

Сітуацыя ў Расіі - гэта агульны выклік для грамадзянскай супольнасці усяго свету. Уся гэта прастора не можа лічыцца тэрыторыяй свабоды, пакуль улады парушаюць правы чалавека і ўводзяць палітыку падвоеных стандартаў.

29.04.2013 Алег Аксёнаў атрымаў другое папярэджанне ад Магілёўскага КДБ

У чарговы раз супрацоўнікі спецслужбы палічылі, што актывіст БХД дзейнічае ад імя незарэгістраванай арганізацыі. Fкрамя Алега Аксёнава на прафілактычным уліку ў Магілёўскай абласной управе КДБ знаходзяцца актывістка БХД Тацяна Шамбалава і старшыня Магілёўскай абласной арганізацыі БНФ “Адраджэньне” Зміцер Салаўёў.

29.04.2013 Расцяжкі ў цэнтры Мінска ў гонар Вінаградава, які сядзіць на сутках

28 красавіка невядомыя маладыя людзі правялі акцыю салідарнасці з лідарам моладзевага крыла кампаніі «Гавары праўду» — «Zмена» Паўлам Вінаградавым.

29.04.2013 Аляксандр Лукашэнка: У нас няма палітычных артыкулаў

Аляксандр Лукашэнка, размаўляючы з журналістамі падчас працоўнай паездкі ў Хойніцкі раён, адзначыў, што Еўразвяз ставіць перад беларускімі ўладамі пытанне пра наяўнасць палітвязняў у Беларусі: “Вось і пачынаюць: там палітвязні. Я яшчэ раз кажу: мы за палітыку нікога не судзім. У нас няма палітычных артыкулаў”.

29.04.2013 Студэнты пачалі кампанію з патрабаваннем прывязаць кошт навучання да інфляцыі

25 красавіка з'явіўся сайт obraschenie.vv.si, які прысвечаны гэтай кампаніі.

29.04.2013 Заява Беларускага Радыё Рацыя ў сувязі з затрыманнем журналістаў

Беларускае Радыё Рацыя выказвае пратэст супраць затрымання журналістаў.

29.04.2013 Пра лёс палітзняволеных гутарылі ў Берасці

Адмысловая сусустрэча на тэму палітзняволеных прайшла ў горадзе над Бугам. У рамках яе адбыўся прагляд фільма пра заключанага пад варту праваабаронцу Алеся Бяляцкага з цыклу “Невядомая Беларусь”.

29.04.2013 Орша: вянок памяці ахвярам Чарнобыльскай трагедыі (фота)

У гадавіну Чарнобыльскай трагедыі актывісты Аршанскай кааліцыі дэмакратычных сіл сімвалічнай акцыяй ўшанавалі памяць ахвяр той катастрофы. На гэты раз такой акцыяй стаў запуск па Дняпры вянка, які пасля хвіліны маўчання быў спушчаны на воды Дняпра, што праходзіць праз Чарнобыльскую зону.

29.04.2013 Баранавічы: працягваецца збор подпісаў за ўратаванне аднаго з самых старажытных будынкаў горада

Зварот з 60-цю подпісамі накіраваны ў Міністэрства культуры, дзе ўтрымліваецца просьба аб захаванні аднаго са старэйшых будынкаў вуліцы Тэльмана, 16 – “Даходным доме”.

29.04.2013 Салігорск: Прызанчана дата судовага паседжання па забароне пікету да Дня Волі

Суд Салігорскага раёна прызначыў дату паседжання па скарзе мясцовага грамадскага актывіста Уладзіміра Шылы на забарону Салігорскім выканкамам пікету да Дня Волі. Разглядаць справу будзе намесніца старшыні суда Салігорскага раёна суддзя Ала Трафімчкук.

29.04.2013 У Гомелі да гадавіны аварыі на ЧАЭС вывесілі бел-чырвона-белы сцяг (фота)

У Гомелі 27 красавіка каля пяці гадзін раніцы на мосце ля перакрыжавання вуліц Савецкай і Яфрэмава невядомыя вывесілі бел-чырвона-белы сцяг. Па сведчаннях відавочцаў, сцяг правісеў да дзесяці гадзін раніцы, потым ён знік. Верагодна, нацыянальны сімвал заўважылі міліцыянеры ці іншыя прадстаўнікі ўлады.

29.04.2013 Бялынічы: старшыню жыллёва-будаўнічага кааператыва шматдзетных сем’яў спрабуюць запалохаць мясцовыя ўлады

Мясцовыя чыноўнікі спрабавалі запалохаць грамадскага актывіста, патрабуючы ад яго спыніць скардзіцца ў розныя інстанцыі на парушэнне правоў шматдзетных сем’яў і пагражаючы ў іншым выпадку адхіліць Пятра Шымбалёва ад пасады старшыні кааператыва.