Праваабарончы цэнтр «ВЯСНА»

Навіны за 18 красавіка 2013

18.04.2013 Летась узбуджана 20 крымінальных спраў па фактах нестатутных узаемаадносін у войску

Інфармацыя пра гэта з'явілася ў беларускай ваеннай газеце "Во славу Родины".

18.04.2013 Леанід Судаленка дамагаецца кампенсацыі маральнай шкоды з-за невыканання рашэння Камітэта ААН

Праваабаронца Леанід Судаленка падаў у суд Цэнтральнага раёна Гомеля пазоў да казны (Міністэрства фінансаў) аб кампенсацыі маральнай шкоды з-за невыканання ўладамі рашэння Камітэта па правах чалавека ААН. Маральную шкоду ён ацэньвае ў памеры заробку дэпутата парламента за чатыры гады паўнамоцтваў.

18.04.2013 Слонім: удзельнікаў святкавання Дня Волі дапытвае міліцыя

Сябры Слонімскага згуртавання дэмакратычных сіл прыйшлі да высновы, што ўсе, хто прымаў удзел у Дні Волі ў Слоніме і сфатаграфаваны на гэтым здымку (глядзіце фота), размешчаным у інтэрнэце, выклікаюцца для “прафілактыкі” у міліцыю.

18.04.2013 Ашмянскі суд: альбом “Прэс-фота Беларусі – 2011” утрымлівае экстрэмісцкія матэрыялы

18 красавіка суд Ашмянскага раёну вынес сваё рашэньне паводле заявы УКДБ па Гарадзенскай вобласьці «Аб прызнаньні інфармацыйнай прадукцыі экстрэмісцкімі матэрыяламі». Суд прызнаў “Прэс-фота Беларусі – 2011” экстрэмісцкім і пастанавіў знішчыць 41 асобнік выдання, раней канфіскаваны беларускай мытняй.

18.04.2013 Гродна: Актывісты АГП пачынаюць збор кніг для зняволеных

Гарадзенскія актывісты АГП прапанавалі правесці кампанію па зборы кніг і наступнай перадачы іх у Гродзенскую крытую турму.

18.04.2013 Баранавічы: актывіста спрабуюць прыцягнуць да адміністрацыйнай адказнасці з любой нагоды

Мікалай Чарнавус: "Лічу, што мяне пераследуюць за маю актыўную грамадзянскую пазіцыю. Мяне штрафуюць за арганізацыю дабрачынных абедаў. Цяпер незаконна і з вялікімі парушэннямі склалі пратакол аб парушэнні правіл дарожнага руху, якія я не парушаў".

18.04.2013 Полацкі суд адмовіў у аднаўленні на працы актывісту СПБ Віктару Стукаву

12 судовых пасяджэнняў давялося прайсці звольненаму з "Полацк-Шкловалакна" лідару "пярвічкі" СПБ, але гэта аказалася безвыніковым. Суддзя Ірына Даротка стала на бок наймальніка, які звольніў прафсаюзнага лідара нібыта за парушэнні тэхнікі бяспекі і рэжыму працы.

18.04.2013 Бабруйск: Кіраўніцтва завода ДВП паабяцала вырашыць праблему з прэміямі

Пасля таго, як рабочыя філіяла "Бабруйскі завод ДВП ТАА "БізнесБудСвет" прыпынілі вытворчасць, кіраўніцтва прадпрыемства пайшло на дыялог. Працоўным завода ДВП паабяцалі пералічыць, і выплаціць паўнавартасныя прэміі разам з заробкам. У адваротным выпадку, кажуць рабочыя, яны зноў будуць адстойваць свае правы.

18.04.2013 Зміцер Дашкевіч: Пра магчымае вызваленне стараюся не думаць

У жніўні заканчваецца тэрмін зняволення палітычнага вязня Змітра Дашкевіча.

18.04.2013 Amnesty International: Як у Беларусі затыкаюць рот грамадзянскай супольнасці

Грамадзянская супольнасць Беларусі падвяргаецца рэпрэсіям з боку ўладаў, нецярпімых да любой формы крытыкі. Такая выснова ўтрымліваецца ў дакладзе "Што не дазволена, тое забаронена: Як у Беларусі затыкаюць рот грамадзянскай супольнасці", апублікаваным Amnesty International 18 красавіка.

18.04.2013 «Платформ інавэйшн» праводзіць прэс-канферэнцыю з пацярпелымі ад самавольства супрацоўнікаў міліцыі

18 красавіка ў Менску ЧКПУ «Платформ іннавэйшн» (ранейшая «Платформа») праводзіць прэс-канферэнцыю па пытаннях, звязаных з ужываннем катаванняў, жорсткага, бесчалавечнага і зневажаючага чалавечую годнасць абыходжання супрацоўнікамі МУС.

18.04.2013 У Бялыніцкім раёне ўся мясцовая ўлада належыць сябрам “Белай Русі”

Усе старшыні сельвыканкамаў Бялыніцкага раёна ўступілі ў шэрагі раённай арганізацыі РГА “Белая Русь”. "Кожны сябра аб’яднання мае шырокія магчымасці для свабоднага развіцця, задавальнення запатрабаванняў і паляпшэння якасці жыцця”.

18.04.2013 Віцебскаму актывісту Пятру Іванову прысудзілі 4 мільёны штрафаў

Першы штраф памерам 2 мільёны прысуджаны за тое, што ён, на думку кіраўніцтва ДАІ, выклаў непраўдзівыя факты ў скарзе на парушэнне кіроўцам міліцэйскага аўтамабіля правілаў дарожнага руху. Другі штраф – за непадпарадкаванне супрацоўнікам міліцыі.