Праваабарончы цэнтр «ВЯСНА»

Навіны за Кастрычнік 2012

31.10.2012 Салігорскія ўлады бяруць пад кантроль працоўную моладзь

Дзеля гэтага ва ўсе арганізацыі і прадпрыемствы раёна былі разасланыя лісты з інфармацыяй аб неабходнасці ўвядзення ў штат супрацоўнікаў пасады адмыслоўца па працы з моладзю. На думку мясцовых праваабаронцаў, гэткія захады чыўноўнікаў з’яўляюцца чарговай спробай кантролю за найбольш актыўнай часткай грамадства.

31.10.2012 Брэст: створаны онлайн-праект, накіраваны на дапамогу інвалідам па зроку

Ініцыятары праекту не выключаюць, што ён можа мець і праваабарончы характар, каб падтрымаць людзей з абмежаванымі магчымасцямі, якія сутыкаюцца з дыскрымінацыяй у паўсюдзённым жыцці.

31.10.2012 Бабруйчане збіраюць подпісы, каб назваць вуліцы горада імёнамі Мікуліча і Грахоўскага

Вольга Піманава, бабруйская грамадская актывістка, распачала збор подпісаў за тое, каб гарадскія вуліцы былі названыя імёнамі пісьменнікаў Барыса Мікуліча і Сяргея Грахоўскага.

31.10.2012 У Магілёве актывіста БСДП (Грамады) не аднавілі на працы праз суд

30 кастрычніка, суд Ленінскага раёна Магілёва ў асобе суддзі Валянціны Лапацінай адмовіў актывісту Беларускай сацыял-дэмакратычнай партыі (Грамады) Мікалаю Залознаму ў аднаўленні на працы.

30.10.2012 Зьмітра Дашкевіча да канца тэрміну адправілі ў «крытую» турму

Выязны Мазырскі суд пастанавіў накіраваць палітвязьня Зьмітра Дашкевіча ў «крытую» турму строгага рэжыму.

30.10.2012 Раман Васільеў арыштаваны на 5 сутак

Сёньня Мёрскі раённы суд прысудзіў актывісту Маладога Фронту Раману Васільеву 5 сутак арышту па артыкуле 17.1 “Дробнае хуліганства”. Рамана даставілі ў суд з Мёрскага цэнтральнага шпіталя.

30.10.2012 Крымінальную справу ў дачыненні да былога намесніка міністра ўнутраных спраў Яўгена Полудня будзе разглядаць Ваенная калегія Вярхоўнага суда

Пра гэта паведаміла прэс-сакратар ВС Марыя Лапо. Матэрыялы ўжо накіраваныя ў Ваенную калегію. Паводле яе слоў, згодна з заканадаўствам, рашэнне аб прызначэнні даты пачатку слуханняў павінна быць прынятае на працягу трох месяцаў.

30.10.2012 У нямецкім бундэстагу занепакоіліся будаўніцтвам АЭС у Беларусі

Дэпутаты бундэстага ад партый зялёных, сацыял-дэмакратаў і левых занепакоіліся будаўніцтвам АЭС у Беларусі і рыхтуюць звязаныя з гэтым запыты да беларускага і нямецкаму ўраду.

30.10.2012 40 дзён назад не стала Крысціны Шацікавай

Грамадская актывістка з Магілёва пайшла з жыцця пасля працяглай хваробы. У яе быў рак лёгкіх. Нягледзячы на хваробу, яна да апошняга змагалася за жыццё, дапамагала людзям і бараніла іхныя правы.

30.10.2012 У Бабруйску узгадалі ахвяраў рэпрэсій

Вечарам 29 кастрычніка бабруйскія грамадскія актывісты сабраліся разам, каб узгадаць рэпрэсаваных землякоў. На мясцовы офіс АГП прыйшло каля 50 чалавек.

30.10.2012 Астравецкі суд не выклікаў на паседжанне адказніка

У Астравецкім раённым судзе 29 кастрычніка пачаўся разгляд дзвюх адміністрацыйных спраў з удзелам грамадскага актывіста Мікалая Уласевіча.

30.10.2012 Праваабарончая праграма “Людзьмі звацца!” на Радыё Рацыя

“Падзея тыдня”: еўрадэпутат Марэк Мігальскі распачаў акцыю салідарнасці з палітвязнямі Мікалаем Статкевічам і Зміцерам Дашкевічам. "Асоба. Дзяржава. Грамадства": каардынатар кампаніі “Праваабаронцы супраць смяротнага пакарання ў Беларусі” Андрэй Палуда - пра прэзентацыі дакументальнага фільма “Убыл по приговору”, што ладзяцца ў розных гарадах краіны.