Праваабарончы цэнтр «ВЯСНА»

Навіны за 24 кастрычніка 2012

24.10.2012 Мікалай Аўтуховіч: Справа №... (відэа)

Былы "афганец" Мікалай Аўтуховіч стаў героем новага відэафільма, які з'явіўся ў інтэрнэт-прасторы. Днямі была распаўсюджаная інфармацыя аб тым, што палітвязень утрымліваецца ў вельмі кепскіх, бесчалавечных, умовах.

24.10.2012 Брэст: жыхары шматпавярховіка судзяцца з камунальнымі службамі, каб дамагчыся рамонту дома

Ужо некалькі месяцаў цягнецца гісторыя ў абласным цэнтры, дзе жыхары дому №54 па праспекце Машэрава спрабуюць адстойваць свае правы на пражыванне ў прыстойных і годных ўмовах.

24.10.2012 Аляксей Паўлоўскі скардзіцца на парушэнне працэдуры вядзення судовага працэсу

У пададзенай сёння, 24 кастрычніка, скарзе на імя начальніка галоўнага ўпраўлення юстыцыі Магілёўскага аблвыканкама сп.Маймусава ён просіць правесці службовае раследванне і прыцягнуць старшыню суда Ленінскага раёна Галіну Кужалеву да адказнасці за парушэнне працэдуры вядзення судовага пасяджэння.

24.10.2012 Барысаў: акруговая камісія не будзе праводзіць праверку спісаў выбаршчыкаў

Назіральнік ад Беларускай партыі левых «Справядлівы свет» Васіль Лапацін атрымаў адказ з акруговай камісіі Барысаўскай гарадской выбарчай акругі № 62 на сваю просьбу праверыць спісы тых, хто прагаласаваў на ўчастку № 25.

24.10.2012 Васілю Парфянкову можа пагражаць карцэр

Пра гэта паведаміла спадарыня Вольга, якая даўно вядзе перапіску з палітвязням. Па яе словах, прычынай вымовы стала тое, што Васіль не здолеў раніцай узняцца з ложка. Ён тры разы пісаў заявы на сустрэчу з доктарам, бо захварэў. Аднак сустрэцца з ім вязню не дазволілі. Цяпер яму можа пагражаць карцэр.

24.10.2012 Кішэнны амбудсмэн не задаволіць ні беларускіх праваабаронцаў, ні Еўропу

У адказ на прапанову беларускіх уладаў абмеркаваць магчымасць стварэння нацыянальнай установы па заахвочванні і абароне правоў чалавека праваабаронцы паставілі шэраг умоў. Без іх выканання, на думку праваабаронцаў, ніякіх размоваў ні аб нацыянальным установе па правах чалавека, ні пра амбудсмена не можа быць і гаворкі.

24.10.2012 Са Следчага камітэта звальняюць 15 палкоўнікаў юстыцыі

Усяго пад скарачэнне трапілі 34 высокія чыны.

24.10.2012 Адменены юбілейны канцэрт «Палаца»

Вялікі канцэрт гурту «Палац» у Рэспубліканскім тэатры беларускай драматургіі з нагоды 20-годдзя нечакана адменены. Арганізатары вымушаныя вяртаць гледачам грошы за квіткі, якія былі разабраныя яшчэ за два тыдні да пачатку дзеі.

24.10.2012 Бабруйск: сябры Яўгена Васьковіча хочуць праверыць, ці даходзяць іх лісты да адрасата

Пасля неаднаразовых скаргаў Яўгена Васьковіча на тое, што да яго не даходзяць лісты, яго бабруйскія сябры і калегі вырашылі зладзіць своеасаблівую праверку.

24.10.2012 Гамяльчанін адсудзіў 50 млн. рублёў кампенсацыі за незаконнае асуджэнне і адбыццё пакарання

23 кастрычніка суд Чыгуначнага раёна Гомеля вынес рашэнне па грамадзянскай справе былога ўрача-псіхіятра, жыхара Гомеля Яўгена Дзедушкіна. Па рашэнню суда, дзяржава павінна выплаціць яму 50 мільёнаў рублёў.

24.10.2012 Грамадскі актывіст Мікола Уласевіч звярнуўся ў суд

23 кастрычніка грамадска-палітычны актывіст з мястэчка Варняны Мікола Уласевіч падаў у Астравецкі раённы суд скаргу на дзеянні службовых асобаў, якія вядуць у дачыненні да яго адміністрацыйны працэс.