Праваабарончы цэнтр «ВЯСНА»

Навіны за 29 кастрычніка 2012

29.10.2012 У Міёрах судзяць “маладафронтаўцаў» (аднаўляецца)

Зміцера Крэмянецкага суд абвінваціў ў брыдкаслоўі і пакараў арыштам на 5 сутак. У другой палове дня да будынку суду "падцягнуўся" віцебскі АМАП, які кантраляваў сітуацыю.

29.10.2012 Справаздача па назіраньні за масавым мерапрыемствам "Дзяды" 28 кастрычніка 2012г.

Праваабарончы цэнтр “Вясна” традыцыйна праводзіць маніторынг правядзення масавых грамадска- палітычных акцыяў. Мэтай маніторынгу з'яўляецца аналіз адпаведнасці масавага мерапрыемства крытэру мірнага мерапрыемства, і наколькі права грамадзянаў на такія масавыя мерапрыемствы было забяспечана з боку дзяржавы.

29.10.2012 Магілёў: “Праверка” міліцыі не пацвердзіла завышэння колькасці прагаласаваўшых

Магілёўскай назіральніцы Наталлі Самахвалавай адмовілі ва ўзбуджэнні крымінальнай справы супраць кіраўніцтва ўчастковай касіі. У адказе, які яна атрымала ад начальніка Кастрычніцкага РАУСа Магілёва сп.Клімава, гаворыцца, што скарга былой назіральніцы разгледжана і па ёй праведзена праверка.

29.10.2012 Таццяна Рэвяка: Беларусі не трэба "пераводзіць стрэлкі" на праблемы ў іншых краінах

У межах 67-й сесіі Генеральнай Асамблеі ААН беларуская дэлегацыя прыняла ўдзел у інтэрактыўным дыялогу c Вярхоўным камісарам ААН па правах чалавека Наванетхем Пілэй па пытанні «Заахвочванне і абарона правоў чалавека».

29.10.2012 Гомель: антыалкагольная ініцыятыва не можа атрымаць юрыдычны адрас для рэгістрацыі аб'яднання

У Гомелі актывісты ініцыятывы «Хопіць піць – трэба жыць» не могуць атрымаць юрыдычны адрас, каб затым афіцыйна зарэгістраваць грамадскае аб'яднанне. Зміцер Карашкоў лічыць, што дзяржава не зацікаўлена, каб барацьба з п'янствам і алкагалізмам была рэальнай, а не папяровай – праз дырэктывы, указы, якія не прыносяць ніякага плёну.

29.10.2012 Брэст: міліцыя знайшла асобу, якая здзейсніла паклёп на апазіцыйнага кандыдата ў дэпутаты

Былы вылучэнец ад Беларускай партыі левых “Справядлівы свет” па Брэсцкай-Памежнай акрузе №4 Анатоль Новік атрымаў адказ на сваю заяву ў міліцыю наконт распаўсюду зняважлівых звестак пра яго на інтэрнэт-старонцы дзяржаўнай раённай газеты “Заря над Бугом”.

29.10.2012 У Бабруйску маліліся за ахвяраў рэпрэсій

У Бабруйску 29 кастрычніка мясцовыя грамадскія актывісты адзначаюць Дзень памяці ахвяраў рэпрэсій. Нагадаем, што вечарам на офісе АГП пройдзе тэматычная вечарына, а з раніцы некалькі чалавек наведалі сабор Святога Мікалая. Тут бабруйчане замовілі службу па ахвярам рэпрэсій, пакінулі запіскі.

29.10.2012 Дзядку дазволілі медыцынскія і рэчавыя перадачы

Цяпер палітвязень зможа атрымаць лекі і цёплыя рэчы на зіму.

29.10.2012 Цэнзура блакуе лісты да Мікалая Статкевіча

Пра гэта распавёў Леанід Гаравы, актывіст Руху "За Свабоду" з Гарадка. У адказ на свой чарговы ліст да палітвязня ён атрымаў паштоўку з паведамленнем пра тое, што Статкевіч атрымаў пусты канверт са штэмпелем "Ліст не прайшоў цэнзуру".

29.10.2012 «Беларуская мара» ў Варшаве

Фонд Развіцця Дэмакратычных Ініцыятыў арганізуе 30 кастрычніка ў Варшаве паказ фільма «Беларуская мара». Пасля паказу адбудзецца дыскусія аб палітычнай сітуацыі ў Беларусі, а таксама аб сітуацыі з правамі чалавека і дэмакратыяй у краіне.

29.10.2012 Марэк Мігальскі ўзяў апякунства над чарговымі беларускімі палітвязнямі (дапоўнена)

Марэк Мігальскі пачаў кампанію "Свабода x 2" - акцыю салідарнасці з двума беларускімі палітвязнямі: кандыдатам у прэзідэнты на выбарах 2010 года Мікалаем Статкевічам і лідарам "Маладога Фронту" Зміцерам Дашкевічам. Раней Мігальскі браў шэфства над Зміцерам Бандарэнкам і Сяргеем Каваленкам.

29.10.2012 Выпускніка прыцягнулі да крымінальнай адказнасці за ўхіленне ад абавязковага размеркавання

У Бабруйскім раёне распачата крымінальная справа ў дачыненні да выпускніка аднаго з каледжаў, які падрабіўшы працоўную кніжку, спрабаваў такім чынам ухіліцца ад абавязковай адпрацоўкі ў рамках размеркавання.

29.10.2012 29 кастрычніка — працяг суду за кубікі

У панядзелак павінен аднавіцца працэс над удзельнікамі арт-праекту Going Public. Уладзіслава Лук’янчука і Алега Давыдчыка пачалі судзіць 22-га кастрычніка. Іх вінавацілі ў непадпарадкаваньні міліцыі.

29.10.2012 Грамадскага актывіста з Астравеччыны Мікалая Уласевіча зноў судзяць

29 кастрычніка ў Астравецкім раённым судзе працягнецца разгляд адміністрацыйнай справы грамадскага актывіста Мікалая Уласевіча. Працэс, які вядзе суддзя Аляксандар Радкевіч, пачаўся яшчэ 26 кастрычніка, прычым Уласевіч быў выкліканы ў суд позвай, якую прывёз кіроўца раённага суду напярэдадні, толькі за суткі да пачатку працэсу.

29.10.2012 30 кастрычніка - выязны суд над Зміцерам Дашкевічам

Выязное паседжанне мазырскага суда па справе лідара "Маладога фронту" (Чэхія) Зміцера Дашкевіча адбудзецца ў аўторак, 30 кастрычніка. Пра гэта праваабаронцам паведаміў адзін з кіраўнікоў гэтай арганізацыі Мікола Дземідзенка. Палітвязню пагражае перавод з калоніі ў турму строгага рэжыму.