У Дамачаве Ленін атрымаў падарунак ад “удзячных” пасялкоўцаў

Ужо два тыдні ў цэнтры гарадскога пасёлка Дамачава Брэсцкага раёна стаіць помнік Леніну са старымі вянкамі на шыі і твары, а на руцэ вісіць кошык. Усе гэтыя “упрыгожванні” прынесеныя, відаць, з магільнага сметніка.

Па словах мясцовага кіраўніка камуністаў “Справядлівага свету” Анатоля Новіка, такім чынам улада сустракае дзяржаўнае свята 7 лістапада. Кожны дзень начальства з райвыканкама, банка і пошты ходзіць ля помніка на работу і лічыць, пэўна, што так і трэба. Такі “ўпрыгожаны” Ленін асабліва даспадобы палякам, якія прыязджаюць, смяюцца і фатаграфуюцца на фоне зняважанага помніка, абураецца кіраўнік мясцовых камуністаў.