Брэст: створаны онлайн-праект, накіраваны на дапамогу інвалідам па зроку

Ініцыятары праекту не выключаюць, што ён можа мець і праваабарончы характар, каб падтрымаць людзей з абмежаванымі магчымасцямі, якія сутыкаюцца з дыскрымінацыяй у паўсюдзённым жыцці.

Асноўнай задачай інфармацыйнага онлайн-праекта “Адкрыты свет”, які створаны сумеснымі намаганнямі Брэсцкага гарадскога маладзёжнага аб'яднання “Спадчына” і рэгіянальным парталам “Віртуальны Брэст”, з'яўляецца распаўсюд важнай і карыснай інфармацыі ў падтрымку людзей з абмежаванымі магчымасцямі, якія часткова альбо цалкам згубілі зрок. Аўтары ідэі спадзяюцца, што гэтая інфармацыя дапаможа не толькі пашырыць веды наконт таго, як можна дапамагчы інвалідам інтэгравацца ў соцыум, але і абараніць іх правы і даць магчымасць адчуваць сябе паўнавартаснымі людзьмі.