Праваабарончая праграма “Людзьмі звацца!” на Радыё Рацыя

Кожны аўторак у 15:05 ў эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, “Падзея тыдня” ды “Асоба. Дзяржава. Грамадства”.

У гэтым выпуску:

У “Хроніцы пераследу” - найбольш гучныя факты парушэнняў правоў чалавека, што мелі месца на мінулым тыдні.

“Падзея тыдня” прысвечаная акцыі салідарнасці з палітвязнямі Мікалаем Статкевічам і Зміцерам Дашкевічам, якую днямі распачаў еўрадэпутат Марэк Мігальскі.

Госць рубрыкі "Асоба. Дзяржава. Грамадства" –  каардынатар кампаніі “Праваабаронцы супраць смяротнага пакарання ў Беларусі” Андрэй Палуда. Гутарка з ім пойдзе пра прэзентацыі новага дакументальнага фільма “Убыл по приговору”, якія зараз адбываюцца ў розных гарадах.

У музычных паўзах – гурт Mauzer узору 2010 году.