Праваабарончы цэнтр «ВЯСНА»

Навіны за Травень 2012

24.05.2012 Сёння ў Санкт-Пецярбургу пікет у абарону Алеся Бяляцкага

24 траўня АДЦ «Мемарыял» арганізуе ў Санкт-Пецярбургу пікет у абарону беларускага палітычнага зняволенага, праваабаронцы і намінанта на Нобелеўскую прэмію міру, Алеся Бяляцкага. Праваабарончая арганізацыя звяртаецца да ўсіх людзей добрай волі, запрашаючы іх выйсці на пікет, які адбудзецца з 15 да 17 гадзін.

24.05.2012 Жыхары Берліна падтрымалі акцыю супраць смяротнага пакарання ў Беларусі

Аддзяленне міжнароднай арганізацыі Amnesty International у Берліне правяло сярод жыхароў нямецкай сталіцы акцыю па зборы петыцый супраць смяротнага пакарання ў Беларусі. Кожны ўдзельнік падпісаў адмысловую паштоўку з заклікам да беларускіх уладаў адмяніць гэты жорсткі від пакарання.

24.05.2012 Імёны стваральнікаў фільма "Метро" – дзяржаўная таямніца?

Кіраўнік Белтэлерадыёкампаніі Генадзь Давыдзька адмовіўся назваць тых, хто працаваў над фільмам "Метро", паказаным да ўгодкаў трагедыі 11 красавіка. І параіў Любові Кавалёвай і Барысу Хамайду, якія лічаць фільм паклёпніцкім і мяркуюць звярнуцца ў суд, абскардзіць яго адказ, звярнуўшыся "у вышэйстаячы орган (Адміністрацыю Прэзідэнта Рэспублікі Беларусь)".

24.05.2012 Беларуская амбасада раіць палякам паглядзець фільм "Метро"

Беларуская амбасада зрабіла адпаведную заяву неўзабаве пасля таго, як Польшчу па запрашэнні тэлеканала TVN наведалі сястра і маці Уладзіслава Кавалёва і па канале 8 траўня быў паказаны тэлефільм "Як выглядае справядлівасць у Беларусі".

24.05.2012 "Прафілактычная" матарызна ад міліцэйскага начальніка

Актывіст "Маладога фронта" Павел Сяргей абскардзіць дзеянні намесніка начальніка аддзела аховы правапарадку і прафілактыкі Фрунзенскага РУУС Андрэя Галавіна. 23 траўня "ахоўнік правапарадку" нарэшце вярнуў актывісту яго асабістыя рэчы, за якімі той паездіў у РУУС. Разам з рэчамі Павел атрымаў добрую порцыю матных абразаў у свой адрас. Напэўна, для "прафілактыкі".

24.05.2012 Amnesty International: Сытуацыя ў Беларусі пагоршылася

Пагаршэньне эканамічнай сытуацыі, рост напружанасьці ў грамадзтве і ў выніку яшчэ большыя абмежаваньні ўладамі свабоды. Так характарызуе сытуацыю ў Беларусі ў 2011 годзе праваабарончая арганізацыя Amnesty International. Справаздача аб стане правоў чалавека ў сьвеце за мінулы год абнародавана сёньня.

24.05.2012 Марэк Мігальскі накіраваў запыт у Amnesty International

Еўрадэпутат Марэк Мігальскі аспрэчвае двойчы пацверджанае яму асабіста рашэнне праваабарончай арганізацыі Amnesty International. Яна не прызнае Сяргея Каваленку вязням сумлення.

24.05.2012 Прафсаюзнага лідара не пускаюць на месца працы

Старшыня суполкі Свабоднага прафсаюзу Беларускага Міхаіл Кавалькоў не можа прайсці на Бабруйскі завод трактарных дэталяў і агрэгатаў. Між тым, на заводзе знаходзіцца офіс арганізацыі. Кавалькоў не можа выконваць свае службовыя абавязкі і сустракацца з сябрамі прафсаюзу.

23.05.2012 Абодвух затрыманых у Мінску журналістаў адпусцілі, але "паабяцалі" працяг

Раніцай 23 мая незалежныя тэлежурналісты Алесь Любянчук і Любоў Лебедзева бралі інтэрв'ю ў прадстаўніка грамадскага аб'яднання «Платформа» Андрэя Бандарэнкі каля Палаца Чыгуначнікаў.

23.05.2012 Уладзімір Вялічкін скардзіцца ў Канстытуцыйны суд

Брэсцкі праваабаронца вырашыў абараняць свае правы на распаўсюд інфармацыі і правядзенне мірных сходаў у Канстытуцыйным судзе Рэспублікі Беларусь. Менавіта ў гэтую ўстанову Уладзімір Вялічкін накіраваў скаргу на рашэнне Брэсцкага гарвыканкама, якое тычыцца правядзення масавых мерапрыемстваў.

23.05.2012 Дэпутат не заўважае праблем пад нагамі

Да такой высновы прыйшлі актывісты «Нашага дома» у Оршы, выявіўшы ў паўразбураным стане спехам пабудаваныя да «Дажынак» тратуары паміж чыгуначным і аўтобусным вакзаламі. Вырашыўшы, што акруговы дэпутат Ячмянёў цалкам аддаўся сваёй ідэалагічнай працы, яны нагадалі яму пра патрэбы выбаршчыкаў.

23.05.2012 Уладзіміра Яроменка не выпускаюць з Акрэсціна?

Актывіст “Маладога фронта” Уладзімір Яроменак павінен быў сёння ў 16:10 быць вызвалены з Цэнтра ізаляцыі правапарушальнікаў на Акрэсціна. Сябрам і аднадумцам, якія прыйшлі яго сустракаць, супрацоўнікі ЦІП адказалі, што ў адпаведны час Яроменка адпусцілі. У гэтай сітуацыі праваабаронцы бачаць пэўную пагрозу для былога палітвязня.

23.05.2012 Заключэнне пад варту да суду: мера стрымання або пакаранне?

Праваахоўныя органы Беларусі распрацавалі законапраект "Аб унясенні дапаўненняў і змяненняў у Крымінальны, Крымінальна-працэсуальны, Крымінальна-выканаўчы кодэксы Беларусі, а таксама Кодэкс аб адміністрацыйных правапарушэннях.

23.05.2012 Хаджэнні Чарнавуса па судах працягваюцца

Баранавіцкі прадпрымальнік і грамадскі актывіст Мікалай Чарнавус 23 траўня накіраваў зыскавую заяву ў Брэсцкі абласны гаспадарчы суд. Ужо амаль паўгады ён імкнецца аспрэчыць вынікі “выбараў” Рады Цэнтральнага каапрынку.

23.05.2012 Мікалай Аўтуховіч на амністыю не спадзяецца

Палітвязень Мікалай Аўтуховіч, які зараз адбывае пакаранне ў турме № 1 Гродна, не верыць у тое, што можа быць вызвалены ў выніку чакаемай амністыі, пра якую заявіў Лукашэнка. Ён мяркуе таксама, што шэраг беларускіх палітвязняў застануцца ў няволі.