Праваабарончы цэнтр «ВЯСНА»

Навіны за 29 траўня 2012

29.05.2012 У Бялыніцкім раёне за сем гадоў так і не знайшлі забойцаў сям’і з шасці чалавек

Жыхароў Бялыніцкага раёна па-ранейшаму хвалюе пытанне: “калі нашы доблесныя супрацоўнікі міліцыі нарэшце знойдуць забойцаў сям’і з шасці чалавек, у тым ліку двух маленькіх дзяцей, у вёсцы Вялікая Машчаніца? Прабачце, гэта ж якім трэба быць “прафесіяналам”, каб не раскрыць такое гучнае забойства за сем гадоў”…

29.05.2012 Гомельская пракуратура папярэдзіла незалежную журналістку «аб недапушчальнасці парушэння закона»

29 мая пракуратура Гомельскай вобласці вынесла афіцыйнае папярэджанне незалежнай журналістцы Ларысе Шчыраковай за супрацоўніцтва са спадарожнікавым тэлеканалам «Белсат». Дзяўчыну выклікалі ў пракуратуру позвай да супрацоўніка нагляднага ведамства Алесі Рабцавай.

29.05.2012 Гарадзенскае аддзяленне Партыі БНФ зноў спрабуе зарэгістравацца

Тры гады таму была ўжо спроба зарэгістраваць абласную структуру Партыі БНФ, але яна скончылася няўдачай. Чыноўнікі не зарэгістравалі арганізацыю паводле надуманай бюракратычнай прычыны – шрыфт, якім былі выкананы дакументы, быў 12-га памеру, а не 14-га.

29.05.2012 Заява Праваабарончага цэнтру “Вясна” з нагоды крымінальнага прысуду Васілю Парфянкову

29 траўня судом Першамайскага раёна Менска грамадскі актывіст Васіль Парфянкоў быў асуджаны на 6 месяцаў арышту па арт. 421 КК Рэспублікі Беларусь (за парушэньні ўмоваў прафілактычнага нагляду, устаноўленага судом).

29.05.2012 Віцебскі аблвыканкам накіраваў апазіцыянера да псіхіятра

Працягваецца ціск на кіраўніка віцебскага аддзялення Беларускай кансерватыўнай партыі "Белая Русь" Аляксандра Кірылава.

29.05.2012 Васіль Парфянкоў асуджаны на паўгода арышту

14-30. Суд прызнаў Парфянкова вінаватым у парушэньні ўмоваў прэвентыўнага нагляду. Парфянкова пакаралі арыштам на 6 месяцаў. Парфянкова пад варту не ўзялі. Калі Парфянкоў не абскардзіць вырак, пакараньне пачне дзейнічаць праз 10 дзён.

29.05.2012 Праваабарончая праграма “Людзьмі звацца!” на Радыё Рацыя

У цэнтры ўвагі рубрыкі “Падзея тыдня”– практыка паўторных затрыманняў актывістаў “Маладога фронту” і фальсіфікацыя адміністратыўных спраў супраць іх. Госьцем рубрыкі “Асоба. Дзяржава. Грамадства” стаў праваабаронца Андрэй Палуда.

29.05.2012 У Салігорску звальняюць адразу паўсотні чалавек

Сетка крамаў “Родная старана” з 1 чэрвеня зачыняе абедзьве свае крамы ў Салігорску. Паўсотні супрацоўнікаў даведаліся аб датэрміновым спыненні сваіх працоўных кантрактаў усяго за 10 дзён да звальнення.

29.05.2012 У Гародні супрацоўнікі КДБ пачалі прафілактыку сярод актывістаў

Як паведаміў удзельнік апошняга “Чарнобыльскага шляху” у сталіцы Беларусі Аляксей Гардзейчык, яго выклікаюць 29 траўня ў абласное ўпраўленне КДБ па вуліцы Тэльмана для ўзяцця тлумачэння. Канкрэтную прычыну гэтага выкліку яму не паведамілі.

29.05.2012 На актывістаў, якія дамагаюцца змены выбарчага заканадаўства, аказваецца ціск

Як распавёў адзін з брэсцкіх сябраў ініцыятыўнай групы Віктар Чайкоўскі, нягледзячы на тое, што спісы яшчэ толькі передадзены ў Цэнтрвыбаркам, і рашэнне пра рэгістрацыю ініцыятыўнай групы не прынята, некаторых актывістаў ужо пачалі запалохваць супрацоўнікі міліцыі і КДБ.

29.05.2012 Паўлоўскаму-малодшаму не дазволілі пікетаваць Акадэмію навук

Малады вучоны збіраўся зладзіць пікет каля Інстытута фізіалогіі Нацыянальнай акадэміі навук 30 траўня. З дапамогай пікета Аляксей Паўлоўскі хацеў прыцягнуць увагу да праблемы з непрадастаўленнем адміністрацыяй інстытута месца ў інтэрнаце.