Праваабарончы цэнтр «ВЯСНА»

Навіны за 3 траўня 2012

03.05.2012 Сям'я Сяргея Каваленкі выйшла з плакатам у цэнтр Віцебска

Жонка вязня Алена з сямігадовым сынам Валянцінам і малодшай дачкой Вікай 20 хвілін прастаялі на пляцоўцы каля будынка “Марка-сіці” на вуліцы Леніна, трымаючы плакат "Дзецям патрэбны бацька!"

03.05.2012 Абаронцы жывёл просяць не спяшацца з прыняццем новага закону

У Брэсце распачаты збор подпісаў пад зваротам на адрас Адміністрацыі прэзідэнта Беларусі з заклікам прыпыніць прыняцце законапраекту “Аб абыходжаннямі з жывёламі”. Па словах Ірыны Сіняпкінай, патрэбна грамадскае абмеркаванне.

03.05.2012 Праваабаронца скардзіцца на парушэнне чыноўнікамі тэхнікі бяспекі падчас суботніку

Барыс Бухель просіць абавязаць правесці раследванне прычын невыканання патрабаванняў па ахове працы кіраўніцтвам Магілёва падчас яго ўдзелу ў рэспубліканскім суботніку 21 красавіка, дзе кіраўнік горада Станіслаў Барадаўка быў заўважаны на будаўніцтве дзіцячага садка.

03.05.2012 У Баранавічах збіраюць подпісы за вызваленне палітвязняў

Баранавіцкія сябры Руху “За свабоду” сабралі амаль 200 подпісаў з патрабаваннем вызвалення і рэабілітацыі ўсіх палітычных зняволеных, асуджаных за падзеі 19 снежня 2010 года. Лісты з подпісамі 3 мая былі накіраваны ў Адміністрацыю прэзідэнта.

03.05.2012 Брэст: старшыня гарсавета не ведае, ці сустракаюцца дэпутат з выбаршчыкамі

У накіраваным да кіраўніка гарсавета звароце жыхары Брэста цікавіліся, чаму не адбываецца шырокага прадстаўлення ў дзяржаўных СМІ справаздач дэпутатаў перад грамадзянамі аб сваёй дзейнасці і ці адбываюцца такія справаздачы ўвогуле, як таго патрабуе заканадаўства.

03.05.2012 Камуністы судзяцца з "маладафронтаўцамі" за зьнявагу сваёй "ленінскай" годнасьці (дадаецца)

14-00. Сведка-камуніст Мікалай Валовіч не змог у судзе даказаць суму матэрыяльнай прэтэнзіі, якая вынікала з-за пашкоджаньня ягонага паліто разбітымі яйкамі. Суддзя прапанаваў зрабіць каштарыс чысткі палітона ў хімчыстцы, і толькі потым працягнуць судовае паседжаньне. Суд перанесены на 10 траўня.

03.05.2012 “Вясна” піша гісторыю найноўшага часу (відэа)

Прэзэнтацыяй адразу двух выданьняў: фотаальбома “За права на выбар: партрэты асуджаных. Плошча-2010” і кнігі інтэрвію “Наша Вясна. Гісторыя ў асобах” праваабаронцы адзначылі 16-годдзе стварэньня праваабарончага цэнтру “Вясна”.

03.05.2012 БАЖ: Нягледзячы на націск, незалежная журналістыка ў Беларусі захавалася

"Пра свабоду СМІ ў Беларусі пакуль можна гаварыць толькі тэарэтычна, з надзеяй на будучыню" — такое меркаванне выказаў БелаПАН намеснік старшыні Беларускай асацыяцыі журналістаў (БАЖ) Андрэй Бастунец.