Праваабарончы цэнтр «ВЯСНА»

Навіны за 2 траўня 2012

02.05.2012 Ператрус на менскім офісе Радыё Рацыя

Супрацоўнікі міліцыі прыйшлі на мінскі офіс радыёстанцыі «Рацыя» прыкладна ў 20:30. Яны абыходзілі кватэры, што знаходзяцца побач з плошчай Перамогі, дзе павінна адбывацца рэпетыцыя парада да 9 мая.

02.05.2012 Сяргея Каваленку этапавалі з Навінак

Палітычнага зняволенага Сяргея Каваленку этапіравалі з ахоўнага аддзялення Рэспубліканскага навукова-практычнага цэнтру псіхічнага здароўя ў Навінках. Пра гэта даведалася яго жонка Алена.

02.05.2012 Бабруйск: Беларускую мову вярнулі ў тралейбусы

Агучванне прыпынкаў на беларускай мове вярнулася ў бабруйскія тралейбусы. Нагадаем, што нядаўна некаторыя жыхары горада былі моцна абураныя русіфікацыяй гэтага віда транспарта і нават пачалі звяртацца за тлумачэннямі ў тралейбуснае ўпраўленне.

02.05.2012 У калоніі Паўла Сырамолатава пазбавілі выпісаных газет

Павел Сырамолатаў, які адбывае пакаранне ў выглядзе 7 гадоў пазбаўлення волі па справе аб падпале будынку бабруйскага КДБ, увесь красавік не атрымліваў выпісаных газет па месцы адбыцця пакарання – у магілёўскай калоніі №19.

02.05.2012 Беларусь уключана ў дзясятку краін з самай жорсткай цэнзурай

Міжнародны камітэт абароны журналістаў уключыў Беларусь у дзясятку краін з "самай жорсткай цэнзурай". Штогадовая справаздача камітэта размешчана на сайце гэтай праваабарончай арганізацыі і прымеркаваная да Сусветнага дня свабоды прэсы, які адзначаецца 3 мая.

02.05.2012 Пінг-понг бяспраўя ў справе невыязнога Валянціна Стэфановіча

Дагэтуль не прызначаная дата разгляду скаргі праваабаронцы Валянціна Стэфановіча на рашэньне аб часовым абмежаваньні выезду за межы Беларусі. У канцылярыі суду Цэнтральнага раёна Менска паведамляюць, што час суду яшчэ не прызначылі і калі прызначаць – невядома.

02.05.2012 Cтудэнты і выкладчыкі запрашаюцца да ўдзелу ў маніторынгу парушэнняў акадэмічных свабодаў

У рамках дзейнасці Грамадскага Балонскага Камітэта пачынаецца маніторынг, сутнасць якога заключаецца ў адсочванні выпадкаў парушэнняў акадэмічных правоў і свабодаў. Да ўдзелу запрашаюцца ўсе студэнты і выкладчыкі ВНУ Беларусі, якія паважаюць і падзяляюць еўрапейскія акадэмічныя каштоўнасці.

02.05.2012 Паштоўкі да Дзмітрыя Бандарэнкі вяртаюцца з пазнакай: “Освободился”

Павал Севярынец піша, што атрымлівае шмат лістоў ад розных гарадзенцаў, за што ім вельмі ўдзячны. “Бог ведае, дзе нам трэба быць” – піша лідар сённяшніх беларускіх хадэкаў. Алесь Бяляцкі піша, што скончыў чытаць «Жизнь и судьбу» расейскага пісьменніка Васіля Гросмана. Ён параўноўвае гэты раман з творамі Васіля Быкава....

02.05.2012 Міліцыя больш за месяц не аддае машыну Вадзіму Кабанчуку

Менская міліцыя дагэтуль не вярнула сябру Нацыянальнай Рады аргкамітту па стварэнні партыі "Беларуская Хрысціянская Дэмакратыя" Вадзіму Кабанчуку машыну, затрыманую 25 сакавіка напярэдадні мітынгу на Дзень Волі. Пра гэта ён паведаміў прэсавай службе БХД.

02.05.2012 Сход супраць будаўніцтва хімзавода ў Бараўлянах (відэа)

Жыхары вёсак Дроздава і Малінаўка Бараўлянскага сельсавета б'юць трывогу. На ўчастку паміж іх населенымі пунктамі, за пару кіламетраў ад Мінска, кампанія СААТ«М-Стандарт» мае пабудаваць завод па вытворчасці хімічных сродкаў. Жыхары элітных катэджавых пасёлкаў, вядома ж, супраць.

02.05.2012 Міліцыя затрымала праціўніка будаўніцтва дому для спецназа ва Уруччы

Дзяніс Кобрусеў фатаграфаваў спецназаўцаў, якія выкарчоўвалі дрэвы на месцы будучай будаўнічай пляцоўкі.

02.05.2012 Брэсцкі абласны суд прызнаў парушэнне права на доступ да правасуддзя

Каардынатар Руху “За Свабоду” у Брэсце Дзяніс Турчаняк праз абласны суд здолеў атрымаць права на магчымасць скардзіцца ў суд першай інстанцыі на дзеянні абласной выканаўчай улады. Падставай для звароту стала тое, што раней суд Ленінскага раёна Брэста двойчы адмаўляў Турчаняку ва ўзбуджэнні справы па скарзе на бяздзеянне аблвыканкама.

02.05.2012 Спецназаўцы затрымалі гледачоў фільму пра Лукашэнку і зламалі відэакамеру

Арыштаваных на праглядзе фільму “Апошні дыктатар Еўропы” трымалі ў міліцэйскім пастарунку да поўначы. Міліцыянты сфатаграфавалі кожнага з нумарною таблічкаю і ўзялі адбіткі пальцаў.