Праваабарончы цэнтр «ВЯСНА»

Навіны за 4 траўня 2012

04.05.2012 Дзмітрый Ус намагаецца зарэгістраваць ініцыятыўную групу па ўнясенні зменаў у выбарчае заканадаўства (відэа)

1 траўня ў Мінску з ініцыятывы былога кандыдата ў прэзідэнты, палітвязня Дзьмітрыя Уса адбыўся сход пад адкрытым небам з мэтай стварэння ініцыятыўнай групы па падрыхтоўцы законапраекту аб унясеньні зменаў ў Выбарчы кодэкс Рэспублікі Беларусь. Да 20 траўня ў Цэнтравыбаркам будуць перададзеныя дакументы аб яе рэгістрацыі.

04.05.2012 Суд пазбавіў удзельніка леташняй “маўклівай акцыі” з Наваполацку права кіраваць аўтамабілем

Суд Полацкага раёну і горада Полацка пакінуў без задавальнення скаргу жыхара Наваполацку Юрыя Рудкоўскага на пастанову ДАІ аб пазбаўленні яго права кіраваць аўтамабілем тэрмінам на 2 гады.

04.05.2012 У дачыненні да 11 затрыманых у Брэсце анархістаў складзены пратаколы

Як паведаміў БелаПАН начальнік аддзела інфармацыі і грамадскіх сувязяў УУС Брэсцкага аблвыканкама Сяргей Дучэнка, гэтых грамадзян затрымалі за парушэнне грамадскага парадку 28 красавіка падчас спынення супрацоўнікамі міліцыі сходу прадстаўнікоў руху анархістаў, арганізаванага ў раёне "Чырвонага двара".

04.05.2012 Гародня: працягваюцца справы па прымусовай дактыласкапіі

Суд Ленінскага раёну Гародні ўсё ж асудзіў грамадзяніна Уладзіміра Фяненку за нібыта непадпарадкаванне службовай асобе і адмову ад дактыласкапіі. Рашэнне суддзя Мікалай Сяргейка прыняў яшчэ 11 красавіка. Сам Фяненка на гэтым паседжанні не прысутнічаў, а атрымаў на рукі копію пастановы толькі 30 красавіка.

04.05.2012 Барысаў: чатырохгадовая барацьба пакуль не ўвянчалася перамогай (відэа)

На працягу чатырох гадоў жыхары барысаўскага мікрараёна Дымкі абівалі парогі ўсіх магчымых інстанцый, каб была вырашана праблема затаплення іх дамоў. У выніку чыноўнікі зрабілі справаздачу «за праведзеную працу», а жыць лепш не стала.

04.05.2012 Праваабаронца супраць цыганафобіі

Сябра БХК просіць галоўнага гомельскага ідэолага правесці працу з журналістамі аб недапушчальнасці распальвання міжнацыянальнай варожасці. Падобныя матэрыялы былі апублікаваны некалькі разоў у абласной газеце «Гомельская праўда» і раённым выданні «Светлае жыццё» (Лельчыцы).

04.05.2012 Брэсцкія праваабаронцы змагаюцца за права на мірныя сходы

У Брэсце распачалася кампанія па збору подпісаў за адмену рашэння мясцовага гарвыканкама № 1210 за мінулы год, якое тычыцца правядзення масавых мерапрыемстваў. З нагоды пачатку кампаніі выдадзены адмысловы нумар бюлетэня “Брэсцкае права”.

04.05.2012 Стэфановіч патрабуе ад следчага камітэта ўзбуджэння крымінальнай справы па факце абмежавання яму выезду з Беларусі

Паколькі шматлікія звароты праваабаронцы ў разнастайныя дзяржаўныя органы не далі ніякіх вынікаў і яго права на выезд з Беларусі па-ранейшаму абмежавана, ён мяркуе, што гэта робіцца наўмысна, злачынным чынам, і не выключае службовага падлогу - незаконнага ўнясення яго звестак у банк дадзеных грамадзянаў, якім часова абмежавана права выезду з краіны.

04.05.2012 У калоніі Алесю Бяляцкаму абмяжоўваюць перапіску

У сярэдзіне красавіка праваабаронца Наста Лойка адправіла старшыні Праваабарончага цэнтру “Вясна” Алесю Бяляцкаму два лісты фарматам А4. У капэртах змяшчаліся паштоўкі, чыстыя капэрты, маркі, а таксама крымінальна-выканаўчы кодэкс Рэспублікі Беларусь. Пазней cтала вядома, што лісты Алесь Бяляцкі так і не атрымаў.

04.05.2012 Аўтара плакату “Мусарок” ужо тыдзень шукае міліцыя

Івана Амельчанку, які падчас сёлетняга “Чарнобыльскага шляху” трымаў плакат “Мусарок” побач з невядомым відэааператарам у цывільным, ужо тыдзень шукаюць праваахоўныя органы. Кожны дзень каля ягонай кватэры дзяжураць супрацоўнікі міліцыі.

04.05.2012 Васіль Палякоў абскарджвае ў Камітэце ААН па правах чалавека арышт за Народны сход

4 траўня намеснік старшыні Аб’яднанай грамадзянскай партыі і старшыня Гомельскай абласной арганізацыі АГП Васіль Палякоў звярнуўся са скаргай у Камітэт ААН па правах чалавека. Палітык лічыць, што беларускія ўлады ў асобе міліцыянераў, якія пакаралі яго арыштам на 5 сутак за арганізацыю Народнага сходу, парушылі яго права на свабоду распаўсюду інфармацыі і мірных сходаў. Пра гэта паведамляе сайт “Гомельскай Вясны”.

04.05.2012 Удзельнікі парламенцкага форуму ў Вільні падтрымалі вылучэнне Бяляцкага на Нобелеўскую прэмію

На парламенцкім форуме за дэмакратыю ў Вільні абмяркоўвалі прасоўванне дэмакратычных ідэяў у Цэнтральнай Еўропе і на постсавецкай прасторы. У форуме ўдзельнічалі амерыканскі сенатар Джон Маккейн, міністр замежных спраў Літвы Аўдронюс Ажубаліс, а таксама дэпутаты парламентаў Літвы, Польшчы, Малдовы і Грузіі.

04.05.2012 5 траўня інваліды-вазочнікі нагадаюць пра свае правы

5 траўня ў Мінску адбудзецца мітынг у падтрымку інвалідаў і іх правоў. Адзін з матываў мітынга – далучэнне Беларусі да міжнароднай Канвенцыі Аб’яднаных Нацыяў пра правы інвалідаў і рамкавага пратаколу да яго.

04.05.2012 У Гародні будуць пікетаваць “За справядлівыя выбары без Лукашэнкі”

Пяцёра грамадска-палітычных актывістаў Гародні, пераважна сябраў Аб’яднанай грамадзянскай партыі, падалі ў гарвыканкам заяўкі на правядзенне ў горадзе над Нёманам 15 траўня пікетаў пад лозунгам “За справядлівыя выбары без Лукашэнкі”.

04.05.2012 Гарадзенскі актывісты судзяцца з гарвыканкамам

У судзе Ленінскага раёну Гародні 3 траўня прайшло апытанне бакоў паводле пазову грамадскіх актывістаў Вадзіма Саранчукова, Уладзіміра Хільмановіча і Юрыя Істоміна да Гарадзенскага гарвыканкаму.