Праваабарончы цэнтр «ВЯСНА»

Навіны за Красавік 2012

26.04.2012 Замест “Чарнобыльскага шляху” ліквідатара чакае працоўная змена

Кіраўніцтва Івацэвіцкай жыллёва-камунальнай гаспадаркі парупілася аб тым, каб слесар раённага вадаканалу, ліквідатар аварыі на Чарнобыльскай АЭС Станіслаў Халадовіч не трапіў у Мінск на “Чарнобыльскі шлях”. Начная працоўная змена заменена без узгаднення з рабочым і растлумачэння прычын на дзённую 26-га.

26.04.2012 Абаронцы салігорскага лесу бачаць выйсце ў змене гарадскога кіраўніцтва

Лесапаркавую зону Салігорска ў зялёным трохкутніку на скрыжаванні вуліц Заслонава і Казлова, якую мясцовыя жыхары баранілі амаль два гады, усё ж высеклі. Пра гэта мясцовым праваабаронцам паведамілі актывісты кампаніі “Абаронім лес”.

26.04.2012 Журналісту дзяржвыдання «па душы» тыя палітвязні, якія сядзяць у турме

Карэспандэнт гомельскай дзяржаўнай газеты «Савецкі раён» Аляксандр Яўсеенка выступіў у выданні з рэфлексіяй на вызваленне Андрэя Саннікава і Зміцера Бандарэнкі. У артыкуле «Пакаяўшыся «героі» ён называе вызваленне палітвязняў «важнай свецкай падзеяй», якая была «у прынцыпе, чаканая.

26.04.2012 Рагачоўскі суд не знайшоў доказаў віны грамадскага актывіста Дзяніса Дашкевіча

Суддзя Рагачоўскага суду Ірына Малашкевіч 25 красавіка спыніла адміністрацыйную справу ў адносінах да грамадскага актывіста Дзяніса Дашкевіча з-за недаказанасці віны апошняга. Матэрыялы адміністрацыйнай справы накіраваны ў орган, які складаў пратакол – міліцыю.

26.04.2012 У Брэсце забаронена акцыя супраць забойства жывёл

Падчас гэтага мерапрыемства меркавалася распаўсюдзіць сярод жыхароў горада ўлёткі ў падтрымку “Акцыі супраць забойства беспрытульных жывёл “Fair Play”, якая зараз адбываецца ў суседняй Украіне. Аднак мясцовыя ўлады ў асобе намесніка старшыні гарвыканкама Вячаслава Хафізава адмовілі ў правядзенні акцыі.

26.04.2012 Бабруйчане звяртаюцца да чыноўнікаў з просьбай вярнуць у тралейбусы беларускую мову

"Пры гэтым знікла не толькі беларуская мова, але і знаёмыя ўсім выразы «Сумленне — лепшы кантралёр», «Павага — лепшы падарунак» і абсалютна бабруйскі выраз «Каб пазбегнуць непрыемнай сустрэчы з кантралёрам, праверце, ці не запамятавалі Вы аплаціць праезд».

26.04.2012 КДБ спыняе перапіску з Сімбіровым адносна сканфіскаваных рэчаў

"Я скардзіўся наконт таго, што ўжо год і тры месяцы супрацоўнікі КДБ не вяртаюць мне мае асабістыя рэчы, - гітару, нэтбук і прыватныя дзённікі, а таксама не адказваюць на пісьмовыя звароты. Супрацоўніца аддзелу па зваротах грамадзян адказала мне па тэлефоне, што пытанне разглядалася на самым высокім узроўні і вырашана ўсялякую перапіску са мной спыніць".

26.04.2012 Зваротаў у Слонімскі райвыканкам шмат — адказ адзін: адмовіць (дакумент)

Сябры Слонімскага дэмакратычнага згуртавання напісалі калектыўны зварот у Слонімскі райвыканкам: “Мы , жыхары горада Слоніма, на працягу амаль сямі гадоў не можам рэалізаваць сваё канстытуцыйнае права на правядзенне масавых мерапрыемстваў у горадзе, і на ўсе нашы заяўкі атрымліваем адмовы".

26.04.2012 Перад “Чарнобыльскім шляхам” кватэры актывістаў наведвае міліцыя

Зраніцы 26 красавіка міліцыянты прыйшлі на кватэру да актывіста “Маладога фронту” Міколы Дземідзенкі. Увечары 25 красавіка міліцыянты ламіліся ў кватэру, дзе прапісаны актывіст-эколаг Уладзімір Валодзін.

25.04.2012 Паўла Вінаградава абвінавацілі ў дробным хуліганстве

Былога палітвязня Паўла Вінаградава даставілі ў суд Савецкага раёну Менска па абвінавачанні ў дробным хуліганстве (арт. 17.1 КаАП РБ). На судзе актывіст заявіў хадайніцтва аб прыцягненні да разгляду справы ягонага адваката. Суддзя Дзмітрый Паўлючэнка задаволіў хадайніцтва і перанёс разгляд справы на 14 гадзінаў 26 красавіка.

25.04.2012 Віцэ-прэзідэнт Еўрапарламента - Алесю Бяляцкаму: “Пішу, каб запэўніць Вас у рашучасці Еўрапарламента дамагчыся Вашага вызвалення”

Эдвард МакМілан-Скот (Edward McMillan Scott), віцэ-прэзідэнт Еўрапейскага парламента па пытаннях дэмакратыі і правоў чалавека, напісаў ліст Алесю Бяляцкаму, у якім паведамляе, што санкцыі будуць працягвацца да таго часу, пакуль беларускі рэжым адмаўляе сваім грамадзянам у дэмакратыі і парушае правы чалавека.

25.04.2012 Суд над Паўлам Сяргеем перанесены на 10 траўня

Суддзя суду Фрунзенскага раёну Менска Людміла Лапо перанесла разгляд адміністратыўнай справы актывіста “Маладога Фронту” Паўла Сяргея на 10 траўня. Да наступнага паседжання затрыманага вызваліі з-пад варты.

25.04.2012 Затрыманы Павел Вінаградаў

Як расказала жонка актывіста кампаніі «Гавары праўду» Святлана, Павел сёння паехаў у крымінальна-выканаўчую інспекцыю Маскоўскага раёна, каб стаць на ўлік.

25.04.2012 Сканфіскаваныя падчас вобшуку сцягі папсавалі ў аддзяленні міліцыі

Актывіст “Еўрапейскай Беларусі” Аляксандр Вялітчанка паспрабаваў вярнуць сабе сцягі, улёткі і банеры, сканфіскаваныя ў яго падчас вобшуку. Калі сёння маладзён прыйшоў па сцяг, міліцыянт прапанаваў яму пашукаць у шафе, дзе складаюцца вынятыя падчас вобшукаў рэчы. Там было шмат сцягоў рознага памеру, але ўсе яны былі пашкоджаныя: парэзаныя нажом і аблітыя нейкім рэчывам.

25.04.2012 «Пасьля вызваленьня палітвязьняў ЭЗ зьніме санкцыі»

Міністар замежных справаў Швэцыі Карл Більдт сказаў Свабодзе, што Эўразьвяз зьніме санкцыі, якія наклаў на беларускі рэжым пасьля прэзыдэнцкіх выбараў, калі будуць вызваленыя і рэабілітаваныя ўсе палітвязьні. Але iх вызваленьне і рэабілітацыя ня зьніме ўсіх праблемаў у дачыненьнях Брусэлю зь Менскам.