Праваабарончы цэнтр «ВЯСНА»

Навіны за Красавік 2012

25.04.2012 Еўрадэпутат патрабуе ўмяшацца ў сітуацыю вакол Мікалая Статкевіча

Марэк Мігальскі, дэпутат Еўрапейскага парламента ад Польшчы, накіраваў зварот у Дэпартамент выканання пакаранняў МУС Беларусі, у якім звяртае ўвагу на тое, што апошнім часам Мікалай Статкевіч утрымліваўся ў адной камеры з чалавекам хворым на сухоты, а гэта з’явілася сур’ёзнай пагрозай здароўю палітвязня.

25.04.2012 Еўрадэпутат Марэк Мігальскі ўзяў шэфства над Сяргеем Каваленкам

Дэпутат Еўрапарламента Марэк Мігальскі, які з’яўляецца намеснікам сябра Дэлегацыі па стасунках з Беларуссю, будзе апякаваць Сяргея Каваленку.

25.04.2012 Міліцыя супраць кантактаў Любові Кавалёвай з журналістамі

Супрацоўнікі міліцыі спрабавалі перашкодзіць сустрэчы расійскіх журналістаў з маці расстралянага Уладзіслава Кавалёва. Сустрэча была запланаваная ў яе кватэры, але супрацоўнікі міліцыі пільнавалі журналістаў каля пад'езду.

25.04.2012 Камісія па справах непаўнагадовых адмовілася дапамагчы дзецям засяліцца ў новыя кватэры

“Цягам года мы не можам засяліцца ні ў адну з кватэр, у якіх мы прапісаныя. Там няма ўнутранай аддзелкі, хаця па дакументах яна мусіць быць. У кватэры, што на вуліцы Пысіна, разбіта абсалютна ўсё.Туды немагчыма ўвайсці. У ваннай, напрыклад, няма пліткі”.

25.04.2012 У Оршы плануюцца два Першамайскія пікеты

Аршанская гарадская арганізацыя партыі левых "Справядлівы свет" працягвае патрабаваць ад ўладаў дазвол на правядзенне пікетаў. На гэты раз пададзеныя ў гарвыканкам дзве заяўкі на правядзенне пікетаў у дзень агульнарэспубліканскага свята - 1 траўня.

25.04.2012 Сетка Дамоў правоў чалавека заклікае да вызвалення і рэабілітацыі ўсіх палітычных зняволеных

“Адвольныя затрыманні выкарыстоўваюцца ў Беларусі супраць палітычных апанентаў і асобаў, якія ажыццяўляюць свае правы на свабоду сумлення, перакананняў і іх выказванне. Мы заклікаем улады Рэспублікі Беларусь вызваліць ўсіх палітычных зняволеных і кампенсаваць ім урон,” – гаворыцца ў заяве міжнароднай Фундацыі Дамоў правоў чалавека.

25.04.2012 Валянцін Стэфановіч: “Абсалютна неправавыя, палітычна матываваныя захады стануць законнымі”

У траўні ўступаюць у сілу змены ў Закон “Аб органах дзяржаўнай бяспекі”, згодна з якімі існаванне неафіцыйнага “спісу невыязных” апазіцыянераў, праваабаронцаў і незалежных журналістаў набывае прававыя падставы.

25.04.2012 Швецкія праваабаронцы супраць правядзення ў Беларусі чемпіянату свету па хакеі

Пра бачанне сітуацыі з правамі чалавека ў Беларусі і працу швецкіх праваабаронцаў у “беларускім накірунку” – размова з прадстаўнікамі Ostgruppen Паулінай Клюге і Янай Фраловай.

24.04.2012 Брэсцкая “раёнка” апраўдвае забарону пікетаў

Публікацыя мае назву “Бунтарства пад ... капірку”, яе аўтар -- Ала Кавалёва. Гэта публікацыя фактычна спрабуе апраўдаць дзеянні мясцовых уладаў, якія забаранілі месяц таму ўсе 15 пікетаў, што планаваліся ў вёсках прыбужскага рэгіёна.

24.04.2012 Недавер жыхароў Баранавіцкага раёна да міліцыі за год павялічыўся ўдвая

Праваабаронца Сяргей Гоўша тлумачыць гэтую з’яву тым, што многія міліцыянеры маюць невысокі прафесіяналізм і нізкую прававую культуру. Супрацоўнікі міліцыі часта кіруюцца не законамі, а загадамі свайго начальства.

24.04.2012 Маладэчна: пасажырам прапануецца альтэрнатыўная інфармацыя (фота)

У Маладэчне на аўтобусным прыпынку “Плошча Свабоды” цягам апошняга месяца нехта рэгулярна расклейвае свежыя нумары незалежных выданняў, часцей за ўсё – “Народнай Волі” і “Нашай Нівы”.

24.04.2012 Гарадзенскія ўлады парушаюць закон

За тры дні да заяўленага мерапрыемства афіцыйнай паперы пра рашэнне няма. А між тым да Аляксандры Васілевіч ужо прыходзіў міліцыянт, які папярэджваў пра адміністрацыйную адказнасць за правядзенне несанкцыянаванага пікету 26 красавіка.

24.04.2012 Праваабарончая праграма “Людзьмі звацца!” на Радыё Рацыя

Госьцем рубрыкі “Асоба. Дзяржава. Грамадства” стаў праваабаронца з горада Мазыра Уладзімір Целяпун. Яго шлях у праваабарончую дзейнасць ляжаў праз абарону правоў ахвяраў Чарнобыльскай трагедыі.

24.04.2012 У актывіста “Рэвалюцыі праз сацыяльныя сеткі” на мяжы канфіскавалі ноўтбук

Увечары 23 красавіка ў рэйсавым аўтобусе Варшава - Менск на памежным пераходзе Цярэспаль – Брэст актывіст кампаніі "Рэвалюцыя праз сацыяльныя сеткі" Сяргей Бяспалаў трапіў пад асабісты нагляд.

24.04.2012 Павал Сяргей знайшоўся ў ЦІП на Акрэсціна

Актывіста «Маладога Фронту» Павала Сяргея паплечнікі адшукалі ў Цэнтры ізаляцыі правапарушальнікаў на Акрэсьціна. Аб гэтым паведаміў дзяжурны па цэнтру ізаляцыі Вакульчык Яўген, хаця раней ён і яшчэ адзін сумнавядомы дзяжурны Есмантовіч паведамлялі што актывіста да іх не дастаўлялі.