У Оршы плануюцца два Першамайскія пікеты
Аршанская гарадская арганізацыя партыі левых "Справядлівы свет" працягвае патрабаваць ад ўладаў дазвол на правядзенне пікетаў. На гэты раз пададзеныя ў гарвыканкам дзве заяўкі на правядзенне пікетаў у дзень агульнарэспубліканскага свята - 1 траўня. Мэта пікетавання - выразіць салідарнасц з працаўнікамі ў барацьбе за свае правы.
Месцамі для акцый абраныя пляцоўкі каля кургана Неўміручасці ў парку Герояў і перад кафэ «Аронія» па вуліцы Леніна з 11.00 да 13.00 гадзін.
На гэты раз, каб не атрымаць зноў адмову, камуністы напісалі заявы аб заключэнні дагавораў на ахову грамадскага парадку падчас правядзення акцый, з цэнтральнай паліклінікай, камунальным прадпрыемствам «Арыён» і ГАУС. Як вядома, менавіта адмову заключэння такіх дагавораў ўлады выкарыстоўвалі раней як падставу для забароны пікетаў.
