Праваабарончы цэнтр «ВЯСНА»

Навіны за Красавік 2011

25.04.2011 Суд не задаволіў скаргу апазіцыянера на гвалтоўнае затрыманне міліціяй

Уладзімір Няпомняшчых 25 сакавіка ў 6 раніцы быў гвалтоўна затрыманы міліцыяй на прыпынку грамадскага транспарту. Ён накіроўваўся на чыгуначны вакзал, каб ехаць у Мінск, але замест сталіцы трапіў за краты па абвінавачванні ў бруднай лаянцы. Цікава, што на ранішняй вуліцы знайшліся і сведкі «бруднай лаянкі».

25.04.2011 Статкевіча-старэйшага павіншавалі з Вялікаднем

За кубачкам кавы гаварылі пра сёняшнія праблемы Беларусі, пра суд, які, магчыма, адбудзецца ў пачатку траўня. Затым разам чыталі апошні ліст Мікалая Статкевіча да родных. Дарэчы, у лістах Мікалай Статкевіч нічога пра сябе не піша, а больш просіць бацьку берагчы здароўе і спадзявацца на лепшае.

25.04.2011 Правядзенне мітынгу ў Гомелі каштуе больш за мільён рублёў

Міліцыя заключыла дамову з партыяй левых на такіх умовах: на дзесяць мітынгуючых павінен быць адзін міліцыянер, гадзіна працы якога каштуе 17 тысяч рублёў, адпаведна, за дзве гадзіны на мітынгу з запланаванай прысутнасцю 200 чалавек левыя вымушаны заплаціць 680 тысяч рублёў.

25.04.2011 Замест “чарнобыльскага” пікета – вечарына

Бабруйскія дэмакраты вырашылі не апускаць рукі пасля таго, як пікет на ўзгодкі Чарнобыльскай катастрофы не быў дазволены і правесці 25 красавіка тэматычную вечарыну ў офісе АГП.

25.04.2011 Віцебск: акцыя ў падтрымку палітзняволеных

23 красавіка ў Віцебску прайшла акцыя ў падтрымку незалежнага журналіста Анджэя Пачобута і палітычных зняволеных, экс-кандыдатаў у прэзідэнты. Аакцыя знарок ладзілася напярэдадні Вялікадня, каб прыцягнуць увагу да праблемы палітычных зняволеных у Беларусі, і каб кожны вернік згадаў іх у сваіх малітвах.

25.04.2011 Прадстаўніку МЗС Расіі данеслі праўду пра Фёдара Мірзаянава, якога будуць судзіць у Менску

Арганізатары маскоўскай кампаніі ў падтрымку арыштаванага ў Беларусі і абвінавачанага ў масавых беспарадках Фёдара Мірзаянава сустрэліся з прадстаўніком расейскага МЗС. Пра гэта паведаміла актывістка руху «Салідарнасць», які арганізаваў кампанію падтрымкі, Анастасія Рыбачэнка.

25.04.2011 Гомельскі гарвыканкам не дазволіў правесці мітынг у гадавіну Чарнобыля

Заяўнікі мітынгу мяркуюць, што ўлады не дазволілі правядзенне масавага мерапрыемства, бо зараз у краіне ўзрастае сацыяльна-эканамічны крызіс, і нейкія публічныя праявы грамадзянскага незадавальнення ўладам не патрэбны. Між тым, у Гомелі з 2004 года гарвыканам адмаўляе ў правядзенні мітынгаў і пікетаў па заявах прастаўнікоў дэмакратычнага руху.

25.04.2011 Хваля шэльмавання незалежных журналістаў у рэгіёнах не спынялася і на Вялікдзень

Адначасова ў газетах надрукаваны вялікодныя пасланні, якія заклікаюць да яднання, сяброўства і ўзаемаразумення. “Дай нам Бог здоровья, счастья, мудрости, а еще умения прощать и просить прощения, сочувствовать и сопереживать. Пусть в сердцах наших всегда находится место любви”.

25.04.2011 Натальля Ільлініч шукае праўды ў абласным судзе

25 красавіка ў судзе Менскай вобласьці адбудзецца разгляд касацыйнай скаргі настаўніцы гісторыі зь вёскі Талька Пухавіцкага раёну Натальлі Ільлініч. Настаўніца вышэйшай катэгорыі просіць перагледзець рашэньне суду Пухавіцкага раёну, які падтрымаў рашэньне адміністрацыі талькаўскай сярэдняй школы пра яе звальненьне. Адначасна працягваецца акцыя грамадзкай салідарнасьці ў падтрымку Натальлі Ільлініч.

25.04.2011 Затрыманы Алесь Каліта - калега меркаванага тэрарыста

Былы старшыня «Моладзі БНФ» Алесь Каліта затрыманы ў ноч з 23 на 24 красавіка гомельскімі міліцыянтамі.

22.04.2011 Заява Назіральнага Савета Камітэта міжнароднага кантролю

У святле ўзбуджэння ў дачыненні да Беларусі Маскоўскага механізму і заяў у адказ прадстаўнікоў МЗС Рэспублікі Беларусі аб тым, што Беларусь няўхільна выконвае ўсе абавязацельствы АБСЕ ў сферы чалавечага вымярэння, арганізацыі-ўдзельнікі Камітэта міжнароднага кантролю за сітуацыяй з правамі чалавека ў Беларусі выказваюць заклапочанасць сітуацыяй, якая склалася вакол прадстаўнікоў Міжнароднай назіральнай місіі, створанай пад эгідай Камітэта.

22.04.2011 У Глускім раёне перапалох з-за партыйнай прэсы

Справа ў тым, што сябры БХД з рэгіёнаў атрымліваюць па пошце партыйны друкаваны веснік “Крыніца”, а на капэрце пазначана “БХД”. Вось гэта і ўзварушыла мясцовыя ўлады, яны падумалі, што там невядома што людзям дасылаюць.

22.04.2011 Беларусам не паказалі расейскае ток-шоу "Поединок"

Да беларускіх гледачоў у чарговы раз не дайшла праграма расійскага канала. Гэтым разам у мінулы чацвер з вячэрняга эфіру “РТР-Беларусь” было выразана ток-шоу Уладзіміра Салаўёва “Поединок”, прысвечанае тэракту ў мінскім метро.

22.04.2011 У Гродне адмоўлена ў правядзенні пікету да ўгодкаў чарнобыльскай трагедыі

22 красавіка старшыня гарадской арганізацыі Партыі БНФ Вадзім Саранчукоў наведаў Гарадзенскі гарвыканкам з мэтай даведацца, чаму не даюць адказ на заяўку партыі на правядзення пікету, прымеркаванага да угодкаў чарнобыльскай трагедыі. Высветлілася, што ў правядзенні пікету партыі адмоўлена.

22.04.2011 Ваўкавыскі актывіст Віталь Гуляк інфармуе жыхароў гораду пра рэпрэсаваных

Ваўкавыскі грамадска-палітычны актывіст Віталь Гуляк, які быў затрыманы міліцыяй 21 красавіка за расклейку плакатаў з партрэтамі палітычных рэпрэсаваных: “Рэакцыя жыхароў на мае дзеянні была вельмі станоўчая, людзі падыходзілі і выказвалі словы падтрымкі, а таксама абураліся той несправядлівасцю, што робіцца ў нашай краіне".