Праваабарончы цэнтр «ВЯСНА»

Навіны за 22 красавіка 2011

22.04.2011 Заява Назіральнага Савета Камітэта міжнароднага кантролю

У святле ўзбуджэння ў дачыненні да Беларусі Маскоўскага механізму і заяў у адказ прадстаўнікоў МЗС Рэспублікі Беларусі аб тым, што Беларусь няўхільна выконвае ўсе абавязацельствы АБСЕ ў сферы чалавечага вымярэння, арганізацыі-ўдзельнікі Камітэта міжнароднага кантролю за сітуацыяй з правамі чалавека ў Беларусі выказваюць заклапочанасць сітуацыяй, якая склалася вакол прадстаўнікоў Міжнароднай назіральнай місіі, створанай пад эгідай Камітэта.

22.04.2011 У Глускім раёне перапалох з-за партыйнай прэсы

Справа ў тым, што сябры БХД з рэгіёнаў атрымліваюць па пошце партыйны друкаваны веснік “Крыніца”, а на капэрце пазначана “БХД”. Вось гэта і ўзварушыла мясцовыя ўлады, яны падумалі, што там невядома што людзям дасылаюць.

22.04.2011 Беларусам не паказалі расейскае ток-шоу "Поединок"

Да беларускіх гледачоў у чарговы раз не дайшла праграма расійскага канала. Гэтым разам у мінулы чацвер з вячэрняга эфіру “РТР-Беларусь” было выразана ток-шоу Уладзіміра Салаўёва “Поединок”, прысвечанае тэракту ў мінскім метро.

22.04.2011 У Гродне адмоўлена ў правядзенні пікету да ўгодкаў чарнобыльскай трагедыі

22 красавіка старшыня гарадской арганізацыі Партыі БНФ Вадзім Саранчукоў наведаў Гарадзенскі гарвыканкам з мэтай даведацца, чаму не даюць адказ на заяўку партыі на правядзення пікету, прымеркаванага да угодкаў чарнобыльскай трагедыі. Высветлілася, што ў правядзенні пікету партыі адмоўлена.

22.04.2011 Ваўкавыскі актывіст Віталь Гуляк інфармуе жыхароў гораду пра рэпрэсаваных

Ваўкавыскі грамадска-палітычны актывіст Віталь Гуляк, які быў затрыманы міліцыяй 21 красавіка за расклейку плакатаў з партрэтамі палітычных рэпрэсаваных: “Рэакцыя жыхароў на мае дзеянні была вельмі станоўчая, людзі падыходзілі і выказвалі словы падтрымкі, а таксама абураліся той несправядлівасцю, што робіцца ў нашай краіне".

22.04.2011 За 7 дзён – 9 папярэджанняў журналістам

З 12 па 19 красавіка 2011 г. пракуратура, Міністэрства інфармацыі і КДБ папярэджвалі асобных журналістаў і калектывы рэдакцыяў 9 разоў. Асабліва жорсткім для супрацоўнкаў СМІ выдаўся дзень 14 красавіка.

22.04.2011 Хваля шэльмавання Класкоўскага дакацілася да Пінска

Гарадская газета “Пінскі веснік” ад 22 красавіка ў рубрыцы “Падзея тыдня” надрукавала артыкул пад назвай “Поворотись-ка сынку». У гэтым артыкуле аўтар Анатолій Голуб ставіць пад сумнеў прафесійныя і чалавечыя якасці вядомага журналіста Аляксандра Класкоўскага.

22.04.2011 Настассю Палажанку выклікаюць у суд у якасці сведкі

Настассю Палажанку выклікаюць у суд па справе Кіркевіча, Хамічэнкі, Дразда, Вінаградава і Пратасені. Намесніца старшыні Маладога фронту павінна будзе даць паказанні па справе пра 19 снежня супраць сваіх паплечнікаў.

22.04.2011 Сяргей Каваленка зноў пад арыштам і зноў абвясціў галадоўку пратэсту

Віцебскага актывіста КХП БНФ зноў забіралі ў ізалятар часовага ўтрымання. Дасланы па яго міліцэйскі канвой патлумачыў, што актывіст мусіць “адседзець” яшчэ 12 сутак – дабыць тэрмін арышту, з-пад якога яго выпусцілі 8 красавіка.

22.04.2011 У Ваўкавыску затрымалі актывіста, які расклейваў партрэты палітвязьняў

На Віталя Гуляка, актывіста АГП, склалі пратакол допыту, пасьля чаго адпусьцілі з пастарунку.

22.04.2011 Беларусь аб'явіла вайну ўкраінскай грамадзянскай супольнасці

21 красавіка Міхаіл Каменеў, намеснік кіраўніка Усеўкраінскай моладзевай арганізацыі «Фундацыі Рэгіянальных Ініцыятываў", сябра Грамадскага савета пры Міністэрстве ўнутраных спраў Украіны пры праверцы дакументаў на мяжы даведаўся, што знаходзіцца ў «спісе неўязных» у Беларусь.

22.04.2011 Мечыслава Грыба выклікаюць у пракуратуру

Былога старшыню Вярхоўнага Савету Беларусі Мечыслава Грыба выклікалі ў гарадзкую пракуратуру Менску.

22.04.2011 Паклёп на незалежных журналістаў пайшоў гуляць па раённых газетах

Пачалі кампанію дыскрэдытацыі незалежных журналістаў дзяржаўныя рэспубліканскія выданні, у прыватнасці, «Народная газета» і «Рэспубліка». Затым паклёпніцкія матэрыялы пачалі гуляць па раённых выданнях — ад Барысава да Мазыра.

22.04.2011 У Салігорску забаранілі мітынг у гадавіну Чарнобыльскай трагедыі

На мінулым тыдні салігорскія ўлады забаранілі правядзенне пікетаў пад лозунгамі “За стабільнасць” і “За нашага Прэзідэнта”, а таксама пікет супраць забароны пікетаў. У сакавіку быў забаронены шэраг мерапрыемстваў прысвечаных Дню Волі.