19.04.2011 Праваабаронца Левінаў – “дробны хуліган”

Завяршэннем сённяшняй гісторыі з “непасрэдна ўзніклым падазрэннем” праваабаронцы Левінава ў здзяйсненні тэракту ў менскім метро стане адміністратыўны працэс. Ужо ўвечары начальнік Фрунзенскага РУУСа паведаміў старшыні БХК Алегу Гулаку, што, аказваецца, Павел Левінаў быў затрыманы на падставе артыкула 17.1 КаАП (дробнае хуліганства). Пратакола затрымання па непасрэдна ўзніклым падазрэнні ў здзяйсненні злачынства як і не было. Аднак копія яго засталася.

19.04.2011 Суд Слуцкага раёна: «Палітычных зняволеных у краіне няма»

Суд Слуцкага раёна не задаволіў скаргу праваабаронцы Віталя Амяльковіча. Случчанін заявіў грамадзянскі іск у сувязі з рашэннем Слуцкага выканкаму аб забароне правядзення пікету на гарадскім стадыёне. Мэтай мерапрыемства была падтрымка палітычных зняволеных у Беларусі.

19.04.2011 Бабруйскага актывіста выклікаюць у КДБ без позвы

Максім Рыжкевіч, бабруйскі каардынатар МХД, паведаміў праваабаронцам, што на працягу апошніх некалькіх дзён яго спрабуюць выклікаць на размову ў КДБ. Максім пацікавіўся ў аднаго з таямнічых візаві, аб чым размова, але той ухіліўся ад адказу, паведаміў толькі, што да яго ёсць шмат пытанняў.

19.04.2011 У Гомельскай вобласці “адкатаць” пальчыкі адмовіліся каля 3 тысяч чалавек

Міліцыянты ідуць на хітрыя крокі — просяць падпісаць адмову, каб потым на яе падставе прыцягнуць “адмаўленцаў” да адказнасці ў судзе. Звычайна штраф 700 тысяч.

19.04.2011 Суддзя Булаш будзе судзіць адразу пяцёра ўдзельнікаў акцыі пратэсту 19 снежня

Суд над чарговай пяцёркай удзельнікаў акцыі пратэсту, абвінавачаных у масавых беспарадках 19 снежня прызначананы на 27 красавіка. Суддзя Кастрычніцкага суду Менска Ала Булаш разгледзіць крымінальныя справы Уладзіміра Хамічэнкі, Дзмітрыя Дразда, Алеся Кіркевіча, Андрэя Пратасені і Паўла Вінаградава.

19.04.2011 «Чарнобыльскі шлях-2011»: Забаранілі шэсце. Мітынг ля капліцы таксама пад пытаннем

Сёння ў Мінгарвыканкаме прайшла сустрэча заяўнікаў штогадовай вулічнай акцыі «Чарнобыльскі шлях» з гарадскімі ўладамі.

19.04.2011 Справу завялі на нявысьветленую асобу

Пракурор Маскоўскага раёну Менску паведаміў Маі Абромчык, што па яе скарзе пракуратура завяла крымінальную справу на нявысьветленую асобу. Аднак міліцыя ў гэтай справе не фігуруе.

19.04.2011 Гродзенскія пракуроры адказалі на заяву журналістаў наконт Пачобута

Крымінальная справа Пачобута не закранае інтарэсаў гродзенскіх сябраў БАЖ. Такі адказ далі журналістам работнікі абласной пракуратуры.

19.04.2011 Пікеты ў падтрымку Фёдара Мірзаянава ў Маскве

У Маскве актывісты руху «Салідарнасць» пачынаючы з 14 красавіка кожны будны дзень з 16 да 17 гадзін праводзяць пікеты каля будынка МЗС з патрабаваннем да міністра замежных спраў Сяргея Лаўрова адрэагаваць на арышт у Беларусі Фёдара Мірзаянава - сына расейскага грамадзяніна Рыма Мірзаянава.

19.04.2011 Імяніннік Валерый Шчукін - у Фрунзенскім РУУС разам з гасцямі

Як паведаміў сам журналіст, праваабаронца і былы вайсковец, разам з ім у пастарунку знаходзяцца Павел Левінаў, Вольга Карач і Алег Баршчэўскі. Гутарка з ім праз тэлефон адбылася каля 12.00.

19.04.2011 Дырэктар Цэнтра радыяцыйнай медыцыны адмяніў сустрэчу з ліквідатарамі-чарнобыльцамі

Улады Гомельскай вобласці супрацьстаяць публічным абмеркаванням вострых праблем чарнобыльскіх ліквідатараў. Такія высновы робіць ліквідатар-чарнобылец, інвалід другой групы Васіль Сіліверст з Калінкавічаў, які ўжо на працягу двух месяцаў натыкаецца на адмовы і забароны правядзення сходу ліквідатараў.

19.04.2011 Крычаўскага журналіста пракурор папярэдзіў за артыкул пра тэракт

Рэдактару незалежнай газэты «Вольны горад» Сяргею Няроўнаму пракурор Крычаўскага раёну вынес афіцыйнае папярэджаньне аб недапушчальнасьці парушэньня заканадаўства, якое рэгулюе адносіны ў сфэры парадку кіраваньня. Нагодай для папярэджаньня стаў артыкул журналіста «Чорныя дні». Ён прысьвечаны тэракту ў Менску 11 красавіка.

19.04.2011 Міліцыянты ломяцца на дзень народзінаў да Валерыя Шчукіна

Міліцыянты спрабуюць пранікнуць на кватэру дачкі праваабаронца Валерыя Шчукіна па вуліцы Данілы Сердзіча ў Менску.

19.04.2011 Праваабарончая праграма “Людзьмі звацца!” на Радыё Рацыя

– Праваабаронца Алесь Бяляцкі – пра сітуацыю пасля выбуху 11 красавіка.

– Бяздоказна асуджаныя грамадзяне Расіі Арцём Брэус і Іван Гапонаў – пра сваё жыццё ў Беларусі пасля “масавых беспарадкаў”.

19.04.2011 Забарона пікетаў абскарджваецца ў судзе

Актывісты дэмруху мелі намер з 25 па 27 сакавіка правесці тры пікеты. Мэтамі гэтых пікетаў было патрабаванне вызвалення экс-кандыдатаў у прэзідэнты Беларусі Міколы Статкевіча і Андрэя Саннікава, а таксама спынення крымінальнага пераследу ўсіх экс-кандыдатаў у прэзідэнты і актывістаў.