Праваабарончы цэнтр «ВЯСНА»

Навіны за 4 красавіка 2011

04.04.2011 Дашкевіч дзякуе журналістам

Старшыня "Маладога Фронту" Зміцер Дашкевіч даслаў ліст падзякі незалежным журналістам, якія асвяцілі праблему датычна перанаселенасці камеры, дзе ўтрымоўваўся хлапец.

04.04.2011 Менгарсуд разгледзіць касацыйную скаргу на прысуд Аляксандру Атрошчанкаву

Заўтра, 5 красавіка Менскі гарадскі суд разгледзіць касацыйную скаргу на прысуд прэс-сакратара Андрэя Саннікава - Аляксандру Атрошчанкаву.

04.04.2011 Бандарэнку, Севярынцу, Халіп і Марцалеву таксама змякчылі абвінавачванне

Стала вядома, што следства перакваліфікавала абвінавачванне супраць каардынатара «Еўрапейскай Беларусі» Змітра Бандарэнкі, сустаршыні БХД Паўла Севярынца і журналісткі, жонкі Андрэя Саннікава Ірыны Халіп, паплечніка Міколы Статкевіча Сяргея Марцалева.

04.04.2011 А. Атрошчанкаў даслаў першы ліст з папраўчай калоніі

Паводле жонкі прэс-сакратара Андрэя Саннікава Дар’і Корсак, да 13 красавіка яе муж будзе знаходзіцца ў, так званым, медычным каранціне Віцебскай калоніі.

04.04.2011 Вярнулі кампутар з садавіной на дадатак

Сьветлагорскі міжраённы аддзел Гомельскай управы КДБ вярнуў кіраўніку мясцовай арганізацыі партыі левых "Справядлівы сьвет" Сьвятлане Міхальчанцы сыстэмны блёк кампутара й DVD-дыскі, забраныя падчас ператрусу.

04.04.2011 Тыднёвы агляд паслявыбарчай сітуацыі ў Беларусі (28 сакавіка - 3 красавіка)

Напачатку тыдня былі пакараныя адміністрацыйнымі арыштамі затрыманыя 25 сакавіка ў Дзень Волі Віктар Івашкевіч, Мікола Дземідзенка, Ірына Губская, Зміцер Салаўёў і журналіст Уладзімір Лапцэвіч. Працягваўся крымінальны пераслед па падзеях 19 снежня: да трох з паловай гадоў калоніі ўзмоцненага рэжыму прыгавораны 20-гадовы актывіст Мікіта Ліхавід, справы яшчэ сямі абвінавачаных у "масавых беспарадках" перададзеныя ў суд, іншыя фігуранты пачалі знаёміцца з матэрыяламі крымінальнай справы. Рэдактарка сайта “Хартыя’97” Наталля Радзіна пакінула Беларусь.

04.04.2011 Генпракуратура адмовілася распачаць крымінальную справу паводле заяваў Міхалевіча

Генеральная пракуратура Беларусі адмовілася распачаць справу па ўсіх заявах Алеся Міхалевіча. Пра гэта паведаміў 4 красавіка на прэс-канферэнцыі ў Мінску намеснік генпракурора Андрэй Швед.

04.04.2011 Журналіст Лапцэвіч і актывіст Салаўёў абскарджваюць адміністратыўныя арышты

Старшыня Магілёўскай абласной арганізацыі БНФ “Адраджэньне” Зміцер Салаўёў і журналіст БелаПАН Уладзімір Лапцэвіч абскардзілі ў Магілёўскім абласным судзе пастанову суда Ленінскага раёна аб адміністратыўным спагнанні ў выглядзе адміністратыўнага арышту.

04.04.2011 Пасля няўдалай спробы завербаваць КДБ ужыў юрыдычныя санкцыі

Кіраўніку Цэнтру развіцця валанцёрства Мікалаю Кванталіяні адмовілі ў рэгістрацыі аб’яднання.

04.04.2011 Паштоўкі салідарнасці дайшлі да палітвязняў

Дэмакратычныя актывісты Бялыніцкага раёна з 2 красавіка пачалі атрымліваць лісты з падзякамі за віншаванні ў Дзень Волі ад палітычных зняволеных. Напярэдадні 25 сакавіка бялыніцкія сябры руху БНФ “Адраджэнне” і кампаніі “Гавары праўду!” даслалі палітвязням больш за пяцьдзесят паштовак з найлепшымі пажаданнямі і словамі падтрымкі.

04.04.2011 Арыштаванаму за флэшмоб Яўгену Контушу адмовілі ў перадачы лекаў на Акрэсціна

Удзельнік акцыі пратэсту супраць антыканстытуцыйнага рашэння Дэпартаменту выканання пакаранняў МУС пра закрыццё адзінай бальніцы для зьняволеных, нацыянал-бальшавік Яўген Контуш быў змешчаны ў спецпрыёмнік ГУУС Мінгарвыканкама на Акрэсціна ў цяжкім стане з высокай тэмпературай.

04.04.2011 Наталля Радзіна знаходзіцца ў лагеры для ўцекачоў

Рэдактарка апазіцыйнага сайта charter97.org Наталля Радзіна знаходзіцца ў лагеры для ўцекачоў у адной з еўрапейскіх краін. Пра гэта ўвечары ў нядзелю яна паведаміла па тэлефоне рэдакцыі гэтага інфармацыйнага рэсурса.

04.04.2011 Віктар Канцавенка папрасіў у Польшчы палітычнага прытулку

Жыхар Рэчыцы Віктар Канцавенка, які на мінулых выбарах быў актывістам перадвыбарнага штабу кандыдата ў прэзыдэнты Міколы Статкевіча, падаў дакумэнты на атрыманьне палітычнага прытулку ў Польшчы.

04.04.2011 Кіркевічу і Пратасені прад'яўлена абвінавачаньне

Сьледчым упраўленьнем папярэдняга расьсьледаваньня Галоўнага ўпраўленьня ўнутраных спраў Менгарвыканкаму 2 красавіка прад'яўленае абвінавачаньне па частцы 2 артыкулу.293 Крымінальнага кодэксу Рэспублікі Беларусь ("Масавыя непарадкі") Алесю Кіркевічу і Андрэю Пратасені, паведамляе "Інтэрфакс"