Праваабарончая праграма “Людзьмі звацца!” на Радыё Рацыя
Кожны аўторак у 15:05 ў эфіры незалежнага Радыё Рацыя - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня", “Асоба. Дзяржава. Грамадства” і “Рэха Плошчы”.
“Хроніка пераследу” - агляд парушэнняў правоў чалавека, у якім прадстаўлены найбольш гучныя факты пераследу за мінулы тыдзень.
У рубрыцы “Падзея тыдня” аналізуецца сітуацыя ў беларускім грамадстве, што развівалася вакол выбуху 11 красавіка. Эксперт рубрыкі – віцэ-прэзідэнт Міжнароднай Федэрацыі за правы чалавека, праваабаронца Алесь Бяляцкі.
Госці рубрыкі “Асоба. Дзяржава. Грамадства” - асуджаныя за ўдзел у масавых беспарадках расійскія грамадзяне Арцём Брэус ды Іван Гапонаў. Ці змянілася цяпер жыццё гэтых маладых людзей? І як надалей пачуваюць сябе бяздоказна асуджаныя расійскія грамадзяне ў Беларусі? Пра гэта гутака з Іванам Гапонавым і Арцёмам Брэусам.
Рубрыка “Рэха Плошчы” працягвае знаёміць з крымінальным пераследам у дачыненні да экс-кандыдадатаў у прэзідэнты і ўдзельнікаў акцыі пратэсту ў Менску на плошчы Незалежнасьці 19 снежня.
У музычных паўзах - балады ў выкананні Андрэя Латушкіна, Анджэя Касценя і Ірыны Кашталян.
Слухаць выпуск:
