Гродзенскія пракуроры адказалі на заяву журналістаў наконт Пачобута

Крымінальная справа Пачобута не закранае інтарэсаў гродзенскіх сябраў БАЖ. Такі адказ далі журналістам работнікі абласной пракуратуры.

«Асобы, што звярнуліся з заявай па крымінальнай справе ў адносінах да Пачобута А.С., не з’яўляюцца ўдзельнікамі крымінальнага працэсу, і іх інтарэсы не закранаюцца следствам, якое вядзецца па справе», — гаворыцца ў лісце. Падпісаў яго намеснік аддзела па наглядзе за расследаваннем крымінальных спраў у органах пракуратуры С. Башун. Датуецца адказ 11-м красавіка.

Нагадаем, у заяве журналістаў падкрэслівалася, што крымінальная справа супраць Пачобута — адзін з элементаў сістэмнай палітыкі дыскрымінацыі журналістаў недзяржаўных СМІ.