Праваабарончы цэнтр «ВЯСНА»

Навіны за 1 красавіка 2011

01.04.2011 У Магілёве выйшаў на волю журналіст Уладзімір Лапцэвіч

1 красавіка а 17-ай гадзіне з ізалятара часовага ўтрымання выйшаў на волю журналіст БелаПАН Уладзімір Лапцэвіч. Уладзімір быў затрыманы 25 сакавіка на Дзень Волі і атрымаў сем сутак адміністратыўнага арышту.

01.04.2011 Вадзіма Раманава адпусцілі з РУУС

З Маскоўскага РУУС Мінска ў 15.50 адпушчаны на волю без прад'яўлення абвінавачванняў жыхар Слуцку Вадзім Раманаў, затрыманы напярэдадні ў Мінску на здымнай кватэры па вуліцы Бялецкага. Маладога чалавека пратрымалі ў міліцыі каля 17 гадзін.

01.04.2011 Раман Кісляк накіраваў скаргу генпракурору

Брэсцкі юрыст-праваабаронца Раман Кісляк просіць генпракурора Рыгора Васілевіча прыцягнуць да адказнасці дзяжурнага Ленінскага РАУС г. Брэста Івана Каліту, які з прымяненнем фізічнай сілы 28 сакавіка спрабаваў узяць адбіткі пальцаў у праваабаронцы.

01.04.2011 Затрымалі нацыянал-бальшавікоў з кардоннаю труною

У Менску затрымалі 10 удзельнікаў акцыі пратэсту супраць закрыцця рэспубліканскага шпіталю Дэпартаменту выканання пакаранняў Міністэрства ўнутраных справаў. Актывісты нацыянал-бальшавіцкага руху зладзілі флэшмоб.

01.04.2011 Становішча з правамі журналістаў у Рэспубліцы Беларусь за перыяд 19 студзеня - 15 сакавіка 2011

Міжнародная назіральная місія падрыхтавала чарговую сістэматызаваную падборку фактаў, якія ілюструюць ўмяшанне ў дзейнасць журналісцкай супольнасці ў Рэспубліцы Беларусь.

01.04.2011 Новая хваля прымусовай дактыласкапіі – і на Берасцейшчыне

Факты прымусовай дактыласкапіі выяўлены праваабаронцамі ў Маларыцкімі, Бярозаўскім, Кобрынскім, Пружанскім, Берасцейскім раёнах Брэсцкай вобласці, а таксама ў абласным цэнтры.

01.04.2011 ДАІ да незвычайнай машыны не чапляецца

Па барысаўскіх вуліцах вось ужо больш за месяц раз'язджае незвычайны аўтамабіль. Незвычайнасць яго складаецца ў тым, што на бакавым шкле прылепленыя партрэты экс-кандыдата ў прэзідэнты Уладзіміра Някляева са словамі «Свабоду Някляеву!».

01.04.2011 Сваякам Вадзіма Раманава параілі шукаць адваката

Жыхара Слуцка Вадзіма Раманава, затрыманага напярэдадні ў Мінску на здымнай кватэры, дапытаў следчы Маскоўскага РУУС горада Мінска Сяргей Канецкі. У тэлефоннай размове следчы параіў сваякам Вадзіма шукаць яму адваката.

01.04.2011 Радыё “Свабода” выпусьціла мультымэдыйны DVD-дыск “Сто бардаў Свабоды”.

На дыску – 500 песьняў і сотня гутарак зь беларускімі бардамі.

01.04.2011 Уладзімер Някляеў пачынае знаёміцца з матэрыяламі крымінальнай справы

1 красавіка “Някляеў паедзе ў КДБ і прыступіць да азнаямленьня. Як доўга мой падабаронны будзе чытаць справу, невядома, скрайні тэрмін азнаямленьня -- 1 месяц " – паведаміў адвакат Някляева Уладзімер Бурштынаў.

01.04.2011 Блогер Будзімір абвясціў бестэрміновую галадоўку

30 сакавіка ў сваім блогу былы пазаштатны супрацоўнік «Радыё Свабода» Дзмітры Галко, вядомы пад імем Будзімір, распачаў бестэрміновую галадоўку пратэсту, патрабуючы вызвалення палітвязняў.

01.04.2011 Сястра палітвязьня Класкоўскага вяртаецца ў Беларусь, каб падтрымаць яго на судзе

Апошнія гады Вольга жыла ў Швэцыі, мела там статус палітычнага ўцекача. Аднак, наведаўшы днямі амбасаду Беларусі ў Стакгольме, цяпер яна яго фактычна анулявала.

01.04.2011 Пікет супраць забароны пікетаў запланаваны ў Салігорску

Заяўкі на шэраг пікетаў былі пададзены ў Салігорску дэмакратычным актывістам і прадпрымальнікам Уладзімірам Шылам. Правядзенне усіх пікетаў запланавана ў афіцыйна адведзеным мясцовымі ўладамі для гэта месцы – на стадыёне “Будаўнік”.

01.04.2011 Звольнены пасля выбараў актывіст працы ў Кіраўску так і не знайшоў

На гэтым тыдні Аляксандра Барана, актывіста ініцыятыўнай групы кандыдата ў прэзідэнты Уладзіміра Някляева, напаткала яшчэ адна непрыемнасць: 28 сакавіка ўрачэбная камісія ў горадзе Бабруйску пазбавіла яго трэццяй групы інваліднасці. Зараз ён застаўся практычна без сродкаў да існавання.

01.04.2011 Уладальніка тэлефона, што знаходзіўся ў зоне дзеяння Плошчы, забралі з хаты міліцыянты

"Спачатку той, што ў чорным, ударыў яго кулаком у жывот. Потым яны штурхалі яго нагамі, павалілі на падлогу, заламалі рукі і надзелі кайданкі. Яму нават не далі абуцца! Ён употай узяў тэлефон і патэлефанаваў мне з аддзялення. Сказаў, што сядзіць на голай падлозе ў калідоры. Потым мабільнік у яго забралі », - распавядае Галіна, дзяўчына Вадзіма Раманава.