26.04.2011 У Віцебску затрыманы журналіст Уладзіслаў Старавераў

Хлопец здымаў на відэакамеру пачатак малебну за ахвяраў Чарнобыльскай аварыі, які праходзіў ля крыжа недалёка ад Успенскага сабору. Начальнік міліцыі грамадзкай бяспекі УУС Віцебскага аблвыканкаму Ігар Скарыновіч выказаў незадавальненне, што міліцыянты таксама трапляюць у кадр.

26.04.2011 Спецназаўцы прыехалі на Чарнобыльскі Шлях на дзясятку аўтазакаў

Уздоўж бульвара Мулявіна прыпаркаваныя каля дзесяці аўтазакаў са спецназаўцамі ўнутры. На бульвары машыны з'явіліся каля 15-й гадзіны, за тры гадзіны да пачатку акцыі. Хоць сёння не чакаецца вялікага збору людзей, улады перастрахоўваюцца.

26.04.2011 Праваабарончая праграма“Людзьмі звацца!” на Радыё Рацыя

- Праваабаронцы – пра сітуацыю з Паўлам Левінавым, якога спрабавалі абвінаваціць у датычнасці да тэракту ў менскім метро.

- Заснавальніца “Нашага дому” Вольга Карач, аштрафаваная за “дробнае хуліганства”, – пра сапраўдныя прычыны свайго затрымання 19 красавіка.

26.04.2011 У Полацку на двое сутак асуджаны актывісты, якія збіраліся праводзіць акцыю ў памяць Чарнобыля

Суддзя Полацкага суду Наталля Дзеравянка прызнала Калесніка і Калінцава вінаватымі ў дробным хуліганстве - нецэнзурнай лаянцы ў грамадскім месцы і пакарала іх двума суткамі арышту. Сведкамі ў судзе выступалі міліцыянты.

26.04.2011 Судзяць ўдзельнікаў пікету супраць будаўніцтва Астравецкай АЭС (аднаўляецца)

26 красавіка Фрунзенскі суд Менску аштрафаваў на 525 — 700 тысяч рублёў удзельнікаў пікету супраць будаўніцтва атамнай электрастанцыі ў Беларусі. Сярод пакараных грамадзяне Беларусі, Нямеччыны і Польшчы.

26.04.2011 Віцебскага каардынатара Руху “За свабоду” выклікалі ў міліцыю

Хрыстафор Жаляпаў распавёў, што па тэлефоне яму патлумачылі мэту выкліку: каб ён даў тлумачэнні пра тое, чаму заклікае людзей прыходзіць на несанкцыянаваную “чарнобыльскую” акцыю. Ісці на гутарку без позвы актывіст адмовіўся.

26.04.2011 Кантроль за апазіцыяй у гадавіну аварыі на ЧАЭС

У 25 гадавіну аварыі на Чарнобыльскай АЭС салігорскія ўлады ўсталявалі пільны кантроль за перасоўваннем мясцовых дэмакратычных актывістаў. Раніцай 26 красавіка выканкамаўскія чыноўнікі праз адміністрацыю прадпрыемства, дзе працуе маладафронтавец Аляксей Валабуеў, пачалі аказваць на яго ціск з мэтай не дапусціць яго ўдзел у акцыі ў Мінску.

26.04.2011 Ціск на праваабаронцу працягваецца

У Гродне працягваецца ціск на правабаронцу з БХК Святлану Рудкоўскую, якая актыўна працавала ў назіранні на апошніх выбарчых кампаніях. Нагадаем, што ў лютым АБЭЗ двойчы правяраў яе фінансава-гаспадарчую дзейнасць як старшыні жыллёва-будаўнічага кааператыва. Але далей зачэпкі да праваабаронцы не скончыліся.

26.04.2011 У Гродне на ўгодкі Чарнобылю замест памятных мерапрыемстваў -- канцэрт “ВіаГры”

Замест жалобных і памятных акцый у горадзе над Нёманам у мясцовым Лядовым палацы запланаваны канцэрт поп-гурта “Віа-Гра”. Відавочна, што ні адміністрацыя спартовага комплексу, ні ўлады нават не задумаліся пра недарэчнасць такога канцэрту ў трагічную і сумную для Беларусі дату.

26.04.2011 Да Яўгена Васьковіча не даходзяць лісты

Бабруйскі актывіст ствараемай партыі БХД журналіст Яўген Васьковіч, які зараз знаходзіцца ў СІЗА ў якасці падазраванага па справе падпала будынка КДБ, не атрымлівае ўсіх дасланых яму лістоў. Ён пакуль не ведае, калі будзе суд, але паведаміў, што зараз яго справу разглядае пракурор.

26.04.2011 Ля суду Фрунзенскага раёну гвалтоўна схоплены Ігар Трухановіч

Прыкладна ў 14-00 каля будынку суда Фрунзенскага раёну Менску, дзе разглядаюцца адміністратыўныя справы ўдзельнікаў пікету супраць будаўніцтва Астравецкай АЭС, , быў гвалтоўна затрыманы актывіст Ігар Трухановіч. Некалькі асобаў у цывільным пасадзілі яго ў аўтамабіль з нумарам 29-22 ЕР7 і зьвезлі ў невядомым накірунку. Тэлефон Ігара не адказвае.

26.04.2011 АМАП перашкодзіў Барысу Хамайду правесці акцыю да ўгодкаў Чарнобыльскай аварыі

Віцебскі апазіцыянер выйшаў на вуліцу Леніна да так званага “сіняга дому” з плакатам, дзе было напісана “Людзі, памятайце пра Чырнобыль і разважайце пра лёс сваіх дзяцей. Будаўніцтва АЭС у Рэспубліцы Беларусь – вар’яцтва”. Але яшчэ да таго, як ён разгарнуў плакат, да яго падышлі два “амапаўцы”.

26.04.2011 Суд не задаволіў іск назіральніц кампаніі “За справядлівыя выбары”

У дзень выбараў 19 снежня назіральніцы абвінавацілі старшыню выбарчай камісіі ў тым, што яна знаходзіцца ў нецвярозым стане. У той дзень Ірына Зямцова святкавала свой дзень нараджэння і была затрымана супрацоўнікамі міліцыі, на яе быў складзены пратакол. Аднак у судзе яна здолела даказаць, што ў той дзень не была ў стане алкагольнага ап’янення.

26.04.2011 Баранавіцкім украінцам адмовілі ў правядзенні пікета

Старшыні аргкамітэту па стварэнні Баранавіцкага аб’яднання ўкраінцаў “Кабзар” Мікалаю Чарнавусу адмовілі ў правядзенні пікета 27-29 траўня, падчас агульнагарадскога свята “Баранавіцкая вясна”, на якім актывіст збіраўся праінфармаваць грамадзян горада ад адмове ў прадастаўленні памяшкання для рэгістрацыі арганізацыі.

26.04.2011 Мінюст канчаткова падмяў адвакатуру

Міністр юстыцыі Віктар Галаванаў 15 красавіка падпісаў загад № 96 "Аб удзеле адвакатаў у адукацыйных мерапрыемствах за межамі Рэспублікі Беларусь". Гэты нарматыўны акт устанаўлівае, што адвакаты могуць пакідаць межы Беларусі "для ўдзелу ў адукацыйных мерапрыемствах за межамі Рэспублікі Беларусь толькі па згодзе прэзідыўма адпаведнай калегіі адвакатаў".