Да Яўгена Васьковіча не даходзяць лісты

Бабруйскі актывіст ствараемай партыі БХД журналіст Яўген Васьковіч, які зараз знаходзіцца ў СІЗА ў якасці падазраванага па справе падпала будынка КДБ не атрымлівае ўсіх дасланых яму лістоў. Пра гэта распавёў каардынатар бабруйскага МХД Максім Рыжкевіч.

- Апошнім часам я вельмі доўга чакаў адказу ад Яўгена, даслаў яму тры лісты і толькі на апошні атрымаў адказ. У ім Васьковіч пытаецца, чаму я так доўга не пішу яму, паведаміў калі атрымаў апошні мой ліст. Аказалася, што два з іх недзе “згубіліся”,  хаця нічога “страшнага” я яму не пісаў, - здзіўляецца Максім.

Яўген Васьковіч пакуль не ведае, калі будзе суд, але паведаміў, што зараз яго справу разглядае пракурор.

“Праваабарончая хроніка”