Праваабарончы цэнтр «ВЯСНА»

Навіны за Верасень 2007

20.09.2007 Белтэлерадыёкампанія адмовіла лідэру АГП у правядзенні тэледыскусіі

Кіраўніцтва Белтэлерадыёкампаніі адхіліла прапанову лідэра Аб’яднанай грамадзянскай партыі Анатоля Лябедзькі правесці на беларускім тэлебачанні публічную дыскусію па праблеме адмены ільгот.

20.09.2007 За патрабаваньне Кнігі скаргаў у міліцыі – пад суд

У Цэнтральным судзе Менску пачаўся адміністрацыйны працэс над моладзевай актывісткай Тацянай Цішкевіч. Непрыемнасьці ў дзяўчыны пачаліся пасьля таго, як яна запатрабавала ў райадзьдзеле міліцыі кнігу заўваг і прапановаў. Пасьля гэтага яе затрымалі, а справу перадалі ў суд.

20.09.2007 У Светлагорску і Жлобіне ўзбуджаюць крымінальныя справы супраць “маладафронтаўцаў”

Чарговая крымінальная справа распачатая супраць актывістаў незарэгістраванага Маладога Фронту ў Гомельскай вобласьці.

20.09.2007 Старшыня Канстытуцыйнага суду: Адказнасьць за непавагу да беларускай мовы ніхто не адмяняў

"Адказнасць за непавагу да дзяржаўнай мовы ніхто не адмяняў", — заявіў старшыня Канстытуцыйнага суда (КС) Беларусі Рыгор Васілевіч 18 верасня ў Мінску падчас семінара "Садзеянне больш шырокаму прымяненню міжнародных стандартаў у галіне правоў чалавека ў працэсе выканання правасуддзя ў Рэспубліцы Беларусь".

20.09.2007 Нясьвіж: вобшук у кватэры рэдактара недзяржаўнага тыднёвіка “Брама”

Учора пасьля 22-й гадзіны міліцыянты Нясьвіскага РАУС працягвалі вобшук у прыватным доме рэдактара недзяржаўнага тыднёвіка “Брама” Алеся Язьвінскага.

20.09.2007 Рэчыца: грамадзкі актывіст Леанід Невар асуджаны на 6 сутак

Учора судзьдзя Рэчыцкага раённага суду Анатоль Стрэльчанка пакараў грамадзкага актывіста Леаніда Невара на 6 сутак арышту.

19.09.2007 У Рэчыцы прэвентыўна затрыманы актывіст АГП Леанід Невар

Раніцай міліцыянты прыехалі да дому, дзе пражывае партыйны дзяяч і патрабавалі адчыніць дзьверы. У выніку Леаніда Невара затрымалі і даставілі ў пастарунак.

19.09.2007 Зьміцер Федарук аштрафаваны на 22 базавыя велічыні, Тацяна Буланава на 2

Сёньня ў Баранавічах адбыўся суд над актывістамі незарэгістраванага “Маладога фронту” Зьміцерам Федаруком і Тацянай Буланавай.

19.09.2007 Дзень сьцяга і герба ў Варшаве

19 верасьня адбудзецца сход беларусаў Варшавы, прысьвечаны сьвяткаваньню Дня сьцяга і герба. У 1991 годзе нацыянальны бел-чырвона-белы сьцяг і герб "Пагоня" былі зацьверджаныя як дзяржаўныя сымбалі Беларусі.

19.09.2007 Сёньня - Дзень абвяшчэньня беларускіх нацыянальных сымбаляў

16 гадоў таму, 19 верасьня, бел-чырвона-белы сьцяг і герб "Пагоня" былі афіцыйна абвяшчаны дзяржаўнымі сымбалямі Беларусі. Затым прэзідэнгт Лукашэнка правёў свой рэфэрэндум 1995 году, і нацыянальная сымболіка апынулася пад забаронай. Сёньня сітуацыя настолькі абсурдная, што за яе выкарыстаньне прадугледжана нават адміністрацыйная адказнасьць.

19.09.2007 Новыя крымінальныя справы супраць “Маладога Фронту”

Супрацоўнікі міліцыі і КДБ зрабілі ўчора ператрус на кватэры актывіста незарэгістраванай арганізацыі “Малады фронт” Кірыла Атаманчыка ў Жлобіне.

18.09.2007 Зьміцер Жалезьнічэнка пакараны арыштам на 8 сутак

Судзьдзя Марына Дамненка сёньня разгледзела адміністратыўныя справы супраць выключанага за грамадзка-палітычную актыўнасьць студэнта-выдатніка Зьмітра Жалезьнічэнкі і пакарала яго арыштам на 8 сутак, а таксама штрафам у памеры 20 базавых велічынь.

18.09.2007 Супрацоўнікі міліцыі і КДБ робяць ператрус на кватэры актывіста незарэгістраванай арганізацыі “Малады фронт” Кірыла Атаманчыка ў Жлобіне.

Кірыл паведаміў, што супрацоўнік міліцыі ў цывільным патлумачыў яму - ператрус робіцца ў межах крымінальнай справы, распачатай КДБ супраць актывістаў “Маладога фронту” за ўдзел у незарэгістраванай арганізацыі.

18.09.2007 Рэчыцкія ўлады высылаюць апазіцыйных палітычных актывістаў

Як вядома, 21-22 верасьня ў Рэчыцы адбудзецца традыцыйнае рэспубліканскае сьвята "Дажынкі". У сувязі з ім, "каб чаго ня выйшла", мясцовых працуючых на дзяржпрадпрыемствах апазіцыянераў накіроўваюць у камандыроўкі.

18.09.2007 Улады заняліся замежнымі ксяндзамі і місіянэрамі

Старшыня камітэту ў справах рэлігіяў і нацыянальнасьцяў Беларусі Леанід Гуляка заявіў, што на пачатку 2008 году будзе падрыхтавана новая рэдакцыя Палажэньня аб парадку запрашэньня ў Беларусь замежных грамадзянаў для занятку рэлігійнай дзейнасьцю. Паводле агенцтва БЕЛТА, кампэтэнтныя дзяржаўныя органы атрымаюць права без тлумачэньняў адмаўляць замежным сьвятарам ці прапаведнікам ва ўезьдзе ў Беларусь.