Праваабарончы цэнтр «ВЯСНА»

Навіны за Верасень 2007

18.09.2007 Генпракуратура вынесла А.Лябедзьку вуснае папярэджаньне

Гэтае пакараньне вынесенае за камэнтары палітыка для вэб-сайту “Белорусский партизан” і газэты “Народная воля”, якія тычацца прыпыненьня на паўгода дзейнасьці Партыі камуністаў Беларускай.

18.09.2007 У Беларусі пачалася падрыхтоўка да Дня памяці ахвяраў сталінізму

Грамадскі аргкамітэт па ўшанаванні памяці ахвяраў сталінізму заклікае ўлады і грамадскасць Беларусі накіроўваць сваіх прадстаўнікоў у склад рабочай групы па падрыхтоўцы Дня памяці.

18.09.2007 Справа аб утрыманні непаўналетняй беларускай дзяўчынкі Вікі Мароз італьянскай сям'ёй перададзена ў суд Генуі.

Італьянскі бок пацвердзіў вінаватасць мужа і жонкі Алясандра Джуста і Марыі-К'яры Барначын, а таксама іх бацькоў і кіраўніка манастыра, дзе хавалі Віку. Паводле інфармацыі італьянскай прэсы, расследаванне абставінаў справы працягнецца. Абарона спадзяецца на тое, што Віка Мароз будзе запрошана ў суд у якасці сведкі.

18.09.2007 Супрацоўнікі гарвыканкама і міліцыя наведалі ТБШ

Супрацоўнікі Гродзенскага гарвыканкама разам з прадстаўнікамі міліцыі наведалі Таварыства беларускай школы. Мэта візіту засталася незразумелай, бо ні чыноўнікі, ні міліцыянты яе не патлумачылі.

18.09.2007 Гарадзенскі гарвыканкам адмовіў у правядзеньні мясцовага рэфэрэндуму па пытаньнях рэканструкцыі гораду.

Кіраўнікі ініцыятыўнай групы па правядзеньню рэферэндуму аб рэканструкцыі Старога гораду вырашылі зьвярнуцца ва управу юстыцыі аблвыканкаму, дзе было зроблена юрыдычнае заключэньне адносна прадстаўленых дакумэнтаў, каб ведаць канкрэтна: на падставе чаго было адмоўлена ў рэгістрацыі? Пасьля гэтага яны маюць намер зьвярнуцца ў суд, каб абскардзіць адмову, атрыманую ад гарадзкіх уладаў.

18.09.2007 Азарка пісьмова дала «дабро» на зьнішчэньне налепак

Затрыманая 16 верасьня ў Нясьвіжы моладзевая актывістка Наста Азарка была выкліканая ў мясцовае РУУС, дзе падпісала дакумент на зьнішчэньне канфіскаваных у яе налепак.

18.09.2007 Перасьлед гомельскага студэнта-выдатніка працягваецца

Сёньня будуць судзіць затрыманага напярэдадні Зьмітра Жалезьнічэнку. Моладзевага актывіста адразу затрымалі нібыта за згвалтаваньне дзяўчыны, затым абвінавацілі ў нецэнзурнай лаянцы. Напачатку верасьня кіраўніцтва матэматычнага факультэту Гомельскага дзяржаўнага ўніверсітэту імя Ф.Скарыны адлічыла студэнта-выдатніка з 3-га курса навучальнай установы за актыўную грамадзкую дзейнасьць, аднак у загадзе рэктара значыцца фармулёўка - “за сістэматычнае парушэньне Правілаў унутранага распарадку ўніверсітэту”.

18.09.2007 Сёньня працяг суду над Андрэям Цянютам

17 верасьня ў судзе Цэнтральнага раёну Гомелю пачаўся разгляд адміністратыўнай справы ў дачыненьні да моладзевага актывіста Андрэя Цянюты, затрыманага ў пятніцу, 14 верасьня, у Гомельскім універсітэце. Паколькі сьведкі-міліцыянты блыталіся ў паказаньнях, судзьдзя перанёс разгляд на сёньня.

18.09.2007 Гродзенская студэнтка, ахвяра следчага эксперыменту, асуджаная на 4 гады калоніі, выйшла на свабоду.

Аднак віну з яе не знялі, замяніўшы прысуд на 3 гады абмежавання волі. Ад 3 верасня Маргарыта знаходзіцца дома, а не ў калоніі. У той жа час зараз яна павінна вяртацца дахаты не пазней за 19-ю гадзіну, пастаянна адзначацца ва ўчастковага інспектара.

18.09.2007 Уладзіміру Ларыну прысудзілі штраф

На 10 базавых велічыняў нібыта за дробнае хуліганства аштрафаваны судом Ленінскага раёну Гародні намеснік старшыні Гарадзенскай гарадской арганізацыі партыі АГП Уладзімір Ларын.

18.09.2007 “Прамываньне мазгоў” па-берасьцейскі

13 верасьня адміністрацыя Берасьцейскага дзяржаўнага ліцэя лёгкай прамысловасьці правяла прафілактычную гутарку з навучэнцамі аб недапушчальнасьці распаўсюду незарэгістраванай друкаванай прадукцыі.

17.09.2007 Дэпутат Вярхоўнага Савету 13-га скліканьня палітвязень Андрэй Клімаў шосты раз сустракае дзень народзінаў за кратамі.

17 верасьня Андрэю Клімаву спаўняецца 42 гады. 1 жніўня ён быў асуджаны на 2 гады зьняволеньня за артыкул у Інтэрнэце, які ўлады палічылі абразай Аляксандра Лукашэнкі і заклікам да зьвяржэньня дзяржаўнага ладу

17.09.2007 14 верасня пракуратура Віцебскай вобласці распачала крымінальную справу за наўмыснае разбурэнне помнікаў гісторыі.

Справа распачата на падставе таго, што падчас будаўніча-мантажных прац праз рэчку Віцьба, якія праходзілі без дазволу Міністэрства культуры, былі пашкоджаныя рэшткі будынкаў кляштара Святога Язэпа, якія знаходзяцца пад зямлёй у раёне плошчы Свабоды.

У Баранавічах аштрафаваныя грамадзка-палітычныя актывісты, затрыманыя падчас судовага працэсу над маладафронтаўцам Яраславам Грышчэням

17.09.2007 У Баранавічах аштрафаваныя грамадзка-палітычныя актывісты, затрыманыя падчас судовага працэсу над маладафронтаўцам Яраславам Грышчэням

Сёньня, 17 верасьня, у судзе горада Баранавічы і Баранавіцкага раёна разгледжаны адміністратыўныя справы, узбуджаныя ў дачыненьні да Зьмітра Кургі і Олінай Элы. Яны разам з іншымі актывістамі былі затрыманыя 10 верасьня, калі прыйшлі падтрымаць актывіста “Маладога Фронту” Яраслава Грышчэню, якога абвінавацілі ў палітычна матываваным крымінальным злачынстве па арт. 193.1 КК РБ.

17.09.2007 Швайцарская праваабарончая арганізацыя CODAP пачала збор подпісаў за вызваленьне палітвязьняў

Швайцарская праваабарончая арганізацыя CODAP пачала збор подпісаў за вызваленьне палітвязьняў Аляксандра Казуліна, Артура Фінькевіча, Васіля Лявонава, Зьмітра Дашкевіча, Андрэя Клімава, Юрыя Лявонава, Мікалая Аўтуховіча, Антона Кішкурны.