Навіны за 24 верасьня 2007

24.09.2007 Улады працягваюць ціск на вернікаў-пратэстантаў

Жодзінскія ўлады забараняюць вернікам-пратэстантам праводзіць богаслужэньні. Фармальнай прычынай паслужыла тое, што ў 23 лютага па невядомай прычыне ў будынку царквы адбыўся пажар, і зараз яна аднаўляецца, таму богаслужэньні праводзяцца побач у вялікім намёце.

24.09.2007 Адміністратыўная справа супраць актывісткі Моладзі БНФ Аляксандры Клімовіч адпраўленая на дапрацоўку

Падчас разгляду справы быў зачытаны пратакол, які складаўся івацэвіцкімі міліцыянтамі, заслуханы паказаньні сьведкаў з боку абароны, выказаў сваю пазыцыю адвакат. Ніхто з міліцыянтаў, якія складалі пратакол, на суд не прыехаў і судзьдзя ўбачыўшы ў ім памылкі, адправіла пратакол на дапрацоўку.

24.09.2007 Лідэры Партыі БНФ і дзячы культуры накіравалі адкрыты ліст на імя прэм'ер-міністра Беларусі Сяргея Сідорскага і старшыні менгарвыканкаму Міхаіла Паўлава з прапановай ушанаваць памяць Вялікага князя Альгерда і юбілей вялікай перамогі ў бітве на Сініх Водах.

Ініцыятары прапануюць перайменаваць вуліцу і плошчу Мясьнікова у імя Альгерда. У кастрычніку Партыя БНФ выступіць з пакетам прапановаў па перайменаваньні вуліцаў цэнтру Менску.

24.09.2007 Актывіст Моладзі БНФ Кастусь Грахаў пакараны 10 суткамі арышту

Супрацоўнікі АМАПу затрымалі моладзевага актывіста 23 верасьня ў цэнтры Менску і папрасілі паказаць рэчы. У торбе было выяўлена каля 100 налепак з заклікам да ўдзелу ў Еўрапейскім маршы, запланаваным на 14 кастрычніка. У Цэнтральным РАУС сталіцы на Кастуся Грахава склалі адміністратыўны пратакол па ч.1 арт. 23.34 КаАП РБ - парушэньне устаноўленага парадку арганізацыі і правядзеньня масавых мерапрыемстваў.

24.09.2007 За 96 сьцягоў Эўразьвязу асудзілі на 10 сутак арышту

Судзьдзя Партызанскага суду Менску Алена Ціцянкова прызнала дэмакратычнага актывіста Леаніда Навіцкага вінаватым у дробным хуліганстве і пакарала 10 суткамі арышту.

24.09.2007 25 верасьня ТБМ ладзіць семінар на тэму "Палітычныя рэпрэсіі на Беларусі: гісторыя і сучаснасць"

ГА "Таварыства беларускай мовы імя Францішка Скарыны" праводзіць у верасьні шэраг семінараў у рамках цыклу "Гістарычна-культурная адукацыя гарадскога насельніцтва Беларусі ў перыяд складвання грамадзянскай супольнасці". Гэта ўжо другі семінар па тэме "Палітычныя рэпрэсіі на Беларусі: гісторыя і сучаснасць", першы адбыўся 18 верасьня. Лектар - дасьледчык тэмы сталінскіх рэпрэсій кандыдат гістарычных навук Ігар Кузьняцоў.

24.09.2007 Суды над апазыцыяй на Берасьцейшчыне будуць доўжыцца да кастрычніка

На Берасьцейшчыне працягваюцца суды над актывістамі дэмакратычнага руху. У Берасьці судзяць затрыманых 19 жніўня ўдзельнікаў сходу пад час прэзэнтацыі кнігі Паўла Севярынца “Лісты зь лесу”. Некаторых зь іх – завочна. Аналягічная сытуацыя ў Баранавіцкім судзе. Там судзяць моладзевых актывістаў, якія прыйшлі 10 верасьня падтрымаць Яраслава Грышчэню каля будынку Баранавіцкага суду.

24.09.2007 Мытнікі паставілі пад сумнеў "права быць свабодным" журналістам

У незалежных журналістаў, якія вярталіся раніцай 23 верасня з рок-фестывалю “Права быць свабодным”, на беларуска-украінскай мяжы супрацоўнікі беларускай мытнай службы скапіравалі без дазволу інфармацыю з фотаапаратаў, а таксама праслухалі дыктафонныя запісы.

24.09.2007 Зварот да беларускага грамадзтва

Падчас пікету, які адбыўся 8 верасьня ля будынка ААН, быў прыняты зварот да генэральнага сакратара ААН Бан Кі-муна. Зварот заклікае яго паўплываць на становішча на Беларусі і ўзьняць пытаньне аб яе дэмакратызацыі ў Радзе бясьпекі ААН. Праз месяц (8-га Кастрычніка) зварот з усімі сабранымі подпісамі будзе адасланы ў ААН.

Игар Варашкевіч: Затрыманьне музыкаў на мяжы – псыхалягічная атака

24.09.2007 Игар Варашкевіч: Затрыманьне музыкаў на мяжы – псыхалягічная атака

Увечары 21 верасьня на беларуска-ўкраінскай мяжы былі затрыманыя музыкі, якія ехалі на рок-фэстываль “Права быць свабодным” у Луцк. Інцыдэнт адбыўся а палове на сёмую вечара на памежным пераходзе Макраны. Памежнікі забралі ў музыкаў пашпарты і не вярталі іх на працягу пяці гадзінаў, пры гэтым яны нічым не змаглі патлумачыць свае дзеяньні.

24.09.2007 У Луцку ўсё па-людзку

22 верасьня ў Луцку на Украіне адбыўся беларускі рок-фестываль "Права быць свабодным". Ідэя і ініцыятыва правядзеньня музычнай акцыі належыць Беларускай Музычнай Альтэрнатыве. У працэсе падрыхтоўкі да гэтага мерапрыемства далучыліся студэнцкая ініцыятыва "СтадФармат" і Еўрапейскае радыё для Беларусі", падтрымку фестывалю аказалі і беларускія праваабаронцы.

24.09.2007 Праваабаронца Алесь Бяляцкі, віце-прэзідэнт Міжнародный федэрацыі правоў чалавека FIDH, рэзка асуджае ганебны прысуд і зьняволеньне вядомага беларускага палітыка і публіцыста Андрэя Клімава

Я, як прафесійны літаратуразнаўца, сьцьвярджаю, што гэта на 100 адсоткаў літаратурны твор. Акрамя таго, сыходзячы з ўсяго раней напісанага Андрэем Клімавым, трэба адзначыць, што дадзены артыкул характэрны для ягонай творчасьці – дастаткова пачытаць папярэднія кніжкі, і я не бачу, каб ён выбіваўся з таго, што было напісана ім за апошнія 5 гадоў. І неразуменьне гэтага, падгонка літаратурнага твора пад крымінальны артыкул прывяла ўлады да такога ганебнага прысуду.

24.09.2007 Барысаў: стыхійны мітынг прадпрымальнікаў

Старшыня аргкамітэту ў стварэньні грамадзкага аб’яднаньня “За свабоднае разьвіцьцё прадпрымальніцтва” Віктар Гарбачоў паведаміў Радыё Свабода, што на плошчы цяпер прыкладна дзьвесьце чалавек.

24.09.2007 Міліцыянт не зьявіўся ў суд

21 верасьня ў Цэнтральным судзе Менску працягваўся працэс над моладзевай актывісткай Тацянай Цішкевіч, якую абвінавацілі нібыта ў непадпарадкаваньні міліцыі.

24.09.2007 Менск: судзяць за ўлёткі

У судзе Ленінскага раёну будуць судзіць Віталя Ціхановіча, Аліну Гладкую і Леаніда Навіцкага. У судзе Цэнтральнага раёну –Кастуся Графава.

2024: Сакавік Люты Студзень

2023: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2022: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2021: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2020: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2019: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2018: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2017: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2016: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2015: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2014: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2013: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2012: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2011: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2010: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2009: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2008: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2007: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2006: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2005: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2004: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2003: Сьнежань Лістапад Кастрычнік Верасень Жнівень Ліпень Чэрвень Травень Красавік Сакавік Люты Студзень

2002: Сьнежань Лістапад Кастрычнік Верасень

Партнёрства

Сяброўства