У Курапатах зноў затрыманні. Падрабязнасці Дапоўнена
Акцыя ў Курапатах 29 чэрвеня 2018 года. Фота: Наша Ніва.
У фэйсбуку абаронца Курапатаў Таццяна Севярынец паведамляе, што супрацоўнікі міліцыі затрымалі Паўла Севярынца і Сяргея Аненкава з курапацкай варты. Па ўдакладненай інфармацыі іх вінавацяць па арт. 23.4 КаАП ( непадпарадкаванне законным патрабаванням супрацоўніка ДАІ.
«Прыехаў таварыш на« Аўдзі », хацеў праехаць у рэстаран, адмаўляўся браць інфармацыю пра рэпрэсіі ва ўрочышчы і выклікаў міліцыю», - распавёў Севярынец БелаПАН.
Затрыманых адвезлі ў Бараўлянскае аддзяленні міліцыі Мінскага РУУСа.
Пазней стала вядома, што абодва яны знаходзяцца ў ізалятары УУС Мінскага раёна на вуліцы Францыска Скарыны. Меркавана, што суд адбудзецца 13 снежня.
Яшчэ аднаго абаронцу Курапат Зміцера Казакевіча збіў аўтамабіль. Яго адправілі ў Бараўлянску лякарню з падазрэннем на пералом нагі.
