Ніна Багінская і іншыя актывісты папоўнілі спіс пакараных за ўдзел у акцыі пратэсту 21 кастрычніка Дапоўнена

2017 2017-11-22T08:31:11+0300 2017-11-22T15:40:22+0300 be http://spring96.org/files/images/sources/baginskaja-nina.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Ніна Багінская. Фота: Радыё Свабода.

Ніна Багінская. Фота: Радыё Свабода.

Колькасць пакараных за ўдзел у несанкцыянаванай масавай акцыі «Маршы абураных беларусаў 2.0», якая адбылася 21 кастрычніка ў Мінску, працягвае расці. Так, роўна праз месяц, суд Першамайскага раёна сталіцы разгледзеў адміністратыўную справу 70-гадовай актывісткі Ніны Багінскай. Суддзя Таццяна Ліннік 21 лістапада вынесла пастанову ад прыцягненні актывісткі да адказнасці ў выглядзе штрафу ў памеры 50 базавых велічынь за парушэнне артыкула 23.34 КаАП РБ. Ніна Багінская на судзе не прысутнічала.

Таксама ўчора на 20 базавых велічынь была пакараная актывіста АГП з Акцябрскага Алена Луцковіч. Суддзя - Людміла Гормаш. Пратакол правапарушэння па арт. 23.34 КаАП быў складзены 9 лістапада ўчастковым інспектарам Акцябрскага РАУС Дзмітрыем Крумгольцам.  21 кастрычніка Луцковіч выйшла на "Марш абураных беларусаў 2.0"  з  плакатам «Беларуская армія – серыйны забойца».

23 лістапада адбудзецца суд над Верай  Вакуловіч за ўдзел у акцыі 21 кастрычніка. Пачаіак у 9.30, суд Ленінскага раёна Мінска.

28 лістапада суд Савецкага раёна Мінска пачне разгляд адміністратыўнай справы ў дачыненні да актывіста Беларускага нацыянальнага кангрэсу Арцёма Бабка таксама ў за ўдзел у акцыі 21 кастрычніка. Пачатак судовага паседжання ў 10-15.

На 23 лістапада ў судзе Мазырскага раёна прызначаны разгляд адміністратыўнай справы мясцовага жыхара Уладзіміра Неўмяржыцкага, які да гэтага часу нават не меў магчымасці азнаёміцца з пратаколам правапарушэння.

За месяц, які прайшоў з моманту правядзення “Марша абураных беларусаў-2.0” суды пакаралі арыштамі альбо штрафамі больш за 20 удзельнікаў акцыі пратэсту 21 кастрычніка з розных гарадоў Беларусі.

Апошнія навіны

Партнёрства

Сяброўства