Пратаколы за пікет у падтрымку Надзеі Саўчанкі
Фота Радыё "Свабода" з пікета пад Расійскай амбасадай
На ўдзельнікаў пікету ў падтрымку ўкраінскай лётчыцы Надзеі Саўчанкі пад Расійскай амбасадай складаюць пратаколы.
Як паведаміў ПЦ "Вясна" адзін з удзельнікаў, пратаколы аб адміністрацыйным правапарушэнні па арт. 23.34 КаАП ужо склалі на актывістаў “Еўрапейскай Беларусі” Леаніда Кулакова, Максіма Вінярскага, прадпрымальніка Алеся Макаева, рэжысёрку Вольгу Нікалайчык, Дзмітрыя Захарэвіча, 79-гадовага пенсіянера Алега Іванавіча Шакуліна, Ірыну Церашкову, Алега Гаеўскага, Алексу Кліменку, Сержука Смірнова.
Агулам да адміністрацыйнай адказнасці будуць прыцягнуты мінімум 12 чалавек.
Нагадаем, сёння у 11 гадзін актывісты сабраліся каля амбасады Расіі ў Мінску на новую акцыю салідарнасьці з украінскай лётчыцай Надзеяй Саўчанкай, якую судзяць у расейскім горадзе Данецку Растоўскай вобласці.
