“Вясноўцы” віншуюць БАЖ!

2015 2015-09-16T15:12:00+0300 2015-09-17T09:03:03+0300 be http://spring96.org/files/images/sources/c0d6df6fda.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння адзначае свой дваццацігадовы юбілей адна з аўтарытэтных і масавых недзяржаўных грамадскіх арганізацый нашай краіны – Беларуская асацыяцыя журналістаў.

Свой шлях БАЖ распачаў 16 верасня 1995 года, калі група аднадумцаў сабралася ў сталічным Доме літаратара і заснавала арганізацыю, закліканую абараняць правы і законныя інтарэсы незалежных журналістаў і свабоду слова. Зараз бажаўцамі называюць сябе болей за 1000 сябраў з самых розных куткоў Беларусі, якія працуюць у перыядычных выданнях, на радыё і тэлебачанні, у выдавецкіх кампаніях і інфармацыйных цэнтрах.

За гэты час Беларуская асацыяцыя журналістаў праявіла пра сябе ў якасці паслядоўнага абаронцы правоў тых, хто прафесійна працуе ў інфармацыйнай сферы.  У надзвычай складаных умовах БАЖ цвёрда адстойвае свабоду слова ў Беларусі і з’яўляецца крыніцай дакладнай інфармацыі пра сітуацыю са свабодай СМІ ў нашай краіне.

БАЖ –  надзейны і важны партнёр Правабарончага цэнтру “Вясна” ў шматлікіх супольных праваабарончых ініцыятывах і кампаніях. Неаднаразова БАЖ і “Вясна” выступалі адзіным фронтам у адстойванні дэмакратычных каштоўнасцяў, прымалі сумесныя заявы і звароты, разам ладзілі праваабарончыя акцыі.

У гэты вераснёўскі дзень “вясноўцы” жадаюць калегам і партнёрам бажаўцам цвёрдасці і прынцыповасці ў абароне свабоды слова, аптымізму і веры ў неабходнасць той важнай справы, якой прысвечана 20 год актыўнай дзейнасці арганізацыі.

Жадаем новых творчых удач і прафесійнага росту ўсім сябрам арганізацыі, светлага і свабоднага заўтрашняга дня!

Калектыў ПЦ “Вясна”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international