У цэнтры Менска адбыўся пікет «За сумленныя свабодныя выбары»

2015 2015-09-10T17:50:43+0300 2015-09-10T19:41:26+0300 be http://spring96.org/files/images/sources/piket-statkevich-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Пікет Статкевіча 10 верасня 2015 года.

Пікет Статкевіча 10 верасня 2015 года.

Былы палітвязень і кандыдат у прэзідэнты Рэспублікі Беларусь 2010 года Мікалай Статкевіч  заявіў аб правядзенні 10 верасня ў Менску пікета з патрабаваннем нармальных свабодных выбараў. Пачатак у 18 гадзін. Нагадаем, сёння стартавала перадвыбарная агітацыйная кампанія чатырох кандыдатаў у прэзідэнты, якіх зарэгістравала ЦВК: Аляксандра Лукашэнкі, Таццяны Караткевіч, Сяргея Гайдукевіча і Мікалая Улаховіча.

Напярэдадні былы палітвязень у інтэрв'ю «Радыё Свабода» паведаміў наступнае:

«10 верасня а 18 гадзіне я буду праводзіць пікет ля ГУМа з нагоды пачатку агітацыйнай кампаніі. Запрашаю да ўдзелу ў гэтым пікеце ўсіх, хто падтрымлівае пазіцыю, аналагічную маёй. Прыходзьце з ацэнкамі гэтых кшталту кандыдатаў, з плакатамі або без іх. Калі Лукашэнка сапраўды хоча гэтай легітымнасці, то хай не перашкаджае нам рэалізоўваць нашае канстытуцыйнае права на свабодныя і мірныя сходы. Калі будуць хапаць, лавіць, саджаць - хай развітаецца са сваёй легітымнасцю. Я запрашаю на гэтае мерапрыемства прадстаўнікоў доўгатэрміновай місіі назіральнікаў АБСЕ. Паглядзім, што будзе далей».

Згоду прыняць удзел у пікеце папярэдне далі Анатоль Лябедзька, Уладзімер Някляеў, Павел Севярынец.

Праваабарончы цэнтр “Вясна” разам з падрыхтаванымі назіральнікамі будзе весці маніторынг масавага мерапрыемства. 

17-55. Сабралася каля 60-чалавек. Шмат прадстаўнікоў СМІ і супрацоўнікаў міліцыі ў цывільным, міліцэйскае кіраўніцтва. За вуглом дзяжураць спецыяльныя міліцэйскія аўтамабілі.

 

18-00. Супрацоўнік міліцыі вядзе перамовы з Уладзімірам Някляевым. Заўважныя бел-чырвона-белы сцяг і сцяг АГП. Нейкі дзівак прыйшоў з афіцыйным сцягам. Вольга Нікалайчык таксама разгарнула б-ч-б сцяг.

18-05. Супрацоўнікі міліцыі пачынаюць складаць на Мікалая Статкевіча адміністрацыйны пратакол па арт. 23.34 КаАП РБ (арганізацыя альбо ўдзел у несанкцыянаваным масавым мерапрыемтве). Міліцыя прапануе яму прайсці ў аддзяленне. Шмат народу і незразумела, што адбываецца. Заўважныя Анатоль Лябедзька і Алесь Макаеў.

 

18-15. Мікалай Статкевіч адказвае на пытанні журналістаў. Частка людзей слухае чалавека з дзяржаўным сцягам, які хваліць Аляксандра Лукашэнку.Ён нагадвае правакатара. Супрацоўнікі міліцыі ў цывільным фіксуюць падзею на відэакамеры.

18-20. Чуваць крыкі, каб выклікалі хуткую дапамогу, але невядома каму і навошта. Прысутныя скандуюць "Жыве Беларусь!" і пляскаюць у ладкі. 

Каля ГУМа сабралася каля 200 чалавек, паведамляе Радыё Свабода. 

18-30. Да пікетоўцаў падыйшоў палітуцякач, які днямі вярнуўся ў Беларусь Алесь Міхалевіч. Прамаўляюць па-чарзе Уладзімір Някляеў, затым Анатоль Лябедзька.

18-40. Мікалай Статкевіч папрасіў усіх разыходзіцца і быць акуратнымі.Анатоль Лябедзька заклікаў запісвацца у назіральнікі на выбарах прэзідэнта.

18-45. Супрацоўнікі міліцыі ў цывільным акружылі Статкевіча. Побач стаяць назіральнікі ад АБСЕ. Каля ўваходу ў ЦУМ - 12-15 "ціхароў".

18-50. Пікет завяршыўся. Затрыманняў на пікеце не было. На Мікалая Статкевіча складзены адміністрацыйны пратакол па арт 23.34. КаАП. Пратакол складаў лейтэнант міліцыі, якому палітык аддаў пашпарт, каб не адрывацца ад гутаркі з грамадзянамі. Ен яшчэ размаўляе з людзьмі.

Пікет Статкевіча 10 верасня 2015 года.
Аўтазакі ў Менску 10 верасня 2015 года.
Пікет Статкевіча 10 верасня 2015 года.
Пікет Статкевіча 10 верасня 2015 года.
Пікет Статкевіча 10 верасня 2015 года.
Пікет Статкевіча 10 верасня 2015 года.
Пікет Статкевіча 10 верасня 2015 года.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international