Баранавічы: праваабаронца просіць пакараць супрацоўнікаў суда, якія пазбавілі Зміцера Палойку права на абскарджанне

2014 2014-12-23T13:19:56+0300 2014-12-23T13:19:56+0300 be http://spring96.org/files/images/sources/gousha-sud-ks.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Сяргей Гоўша перад будынкам Баранавіцкага гарадскога суда

Сяргей Гоўша перад будынкам Баранавіцкага гарадскога суда

 

Праваабаронца Сяргей Гоўша 22 снежня напісаў скаргу ў кнізе скаргаў і прапаноў суда Баранавіцкага раёна і горада Баранавічы па адміністрацыйнай справе Зміцера Палойкі. Справа ў тым, што праваабаронца 16 снежнязаключыў дамову з адвакатам, каб аказаць юрыдычную дапамогу грамадскаму актывісту, і разам з ім накіраваліся ў суд, каб азнаёміцца з матэрыяламі адміністрацыйнай справы. Адміністрацыйна арыштаваны Палойка ўжо 5 дзён адбываў пакаранне ў ізалятары часовага ўтрымання (ІЧУ), а ў судзе Баранавіцкага раёна і горада Баранавічы такой справы, як паведамілі адвакату ў канцэлярыі па адміністрацыйных справах, не аказалася! Дзіўная рэч атрымалася: справы няма, а чалавек сядзіць.

Зміцер Палойка, якога наведаў адвакат у ІЧУ,пацвердзіў, што суд 11 снежня адбыўся, і судзіў яго сам старшыня суда Мікалай Кміта. Асуджаны да 10-ці суткавага адміністрацыйнага арышту Палойка паведаміў таксама, што яму не выдалі копію рашэння суда, якую павінны былі зрабіць.

Толькі пасля таго, як Зміцер Палойка 21 снежня выйшаў на волю, ён разам з праваабаронцам Сяргеем Гоўшам наведаў суд і атрымаў рашэнне суда па сваёй адміністрацыйнай справе, якая нечакана знайшлася. Зразумела, што абскардзіць рашэнне суда цяпер ён ужо не можа, бо па закону гэта мажліва зрабіць толькі на працягу 5 дзён з моманту прыняцця рашэння суда, а прайшло не 5, а цэлых 11 дзён.Сам жа старшыня суда, які судзіў Зміцера, сышоў у адпачынак.

У сувязі з гэтай сітуацыяй Сяргей Гоўша накіраваў скаргу на незаконныя дзеянні суда Баранавіцкага раёна і горада Баранавічы, якія прывялі да парушэння правоў Зміцера Палойкі на абскарджанне гэтага рашэння ў вышэйстаячым судзе. Праваабаронца просіць пакараць тых службовых асоб гарадскога суда, якія дапусцілі парушэнне заканадаўства.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international