Брэст: гарадскі савет дэпутатаў не хоча інфармаваць выбаршчыкаў па бюджэтных пытаннях

2013 2013-02-15T08:12:03+0300 1970-01-01T03:00:00+0300 be http://spring96.org/files/images/sources/deputackija_mescy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Такую выснову можна зрабіць з адказу, які атрымаў кіраўнік Брэсцкай абласной арганізацыі БСДП (Грамада) Ігар Маслоўскі.

У сваім звароце ён прапанаваў выстаўляць на сайце гарвыканкама бюджэт Брэста і справаздачу аб яго выкананні. Ігар Маслоўскі звяртаў увагу на тое, што што рашэнні мясцовых органаў улады аб бюджэце, якія адносяцца да агульнадаступнай інфармацыі, насельніцтва можа атрымаць толькі праз платныя прававыя рэсурсы тыпу “Эталон” і “Кансультант-плюс”. Аднак прадастаўленне такой інфармацыі падаткаплацельшчыкам за іх жа грошы, на думку Маслоўскага, супярэчыць задачам дзяржавы, зацікаўленай у веданні грамадзянамі сваіх законаў. Акрамя таго, было прапанавана занёміць жыхароў горада не толькі з зацверджаным бюджэтам, але і выносіць падобны праект на абмеркаванне выбаршчыкаў.

У адказе на гэты зварот старшыня Брэсцкага гарадскога савета дэпутатаў Генадзь Масько паведаміў, што “ўнясенне гэтых дакументаў на ўсенароднае абмеркаванне ніякімі заканадаўчымі актамі не прадугледжваецца”. Таксама з адказу вынікае, што бюджэт горада на 2013 год у цяперашні час знаходзіцца на абавязковай юрыдычнай экспертызе. Пасля яе праходжання і рэгістрацыі ў Нацыянальным рэестры прававых актаў будзе апублікаваны, як гэта рабілася і раней у газеце “Брэсцкі веснік”. Але, як адзначае Ігар Маслоўскі, немагчыма знайсці на сайце гэтай газеты і поўную цалкам бюджэт Брэста за 2012 год.

“Мы прасілі размяшчаць на сайце і праект бюджэту для абмеркавання, бо гэта ніякімі заканадаўчымі актамі не забаронена. У адпаведнасці з Канстытуцыяй Беларусі адзінай крыніцай улады ў краіне з'яўляецца народ. І няўжо ён не мае права загадзя азнаёміцца з праектам бюджэту і ўнесці дэпутатам свае прапановы? Тое ж тычыцца і ўжо прынятага бюджэту. Чаму яго нельга размяшчаць на сайце гарвыканкама, а толькі ў газеце “Брэсцкі веснік”?” – здзіўлены Ігар Маслоўскі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international