У Бабруйску пачаўся піяр праўладных кандыдатаў

2012 2012-07-18T17:38:16+0300 1970-01-01T03:00:00+0300 be http://spring96.org/files/images/sources/subotkin-pr.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Перадвыбарчае фота Максіма Суботкіна, намесніка дырэктара хакейнага клуба “Шыннік”

Перадвыбарчае фота Максіма Суботкіна, намесніка дырэктара хакейнага клуба “Шыннік”

Ужо дакладна вядома, што адным з кандыдатаў ад улады будзе  Максім Суботкін. Зараз ён з’яўляецца дэпутатам гарсавета і намеснікам дырэктара хакейнага клуба “Шыннік”. Аб сваім жаданні балатвацца ў Палату прадстаўнікоў Нацыянальнага сходу ён напісаў у сацыяльных сетках. Там жа ён паведаміў, што ідзе на выбары не з-за асабістых амбіцый ці меркантыльных інтарэсаў. “У мяне дастойны заробак, які я сумленнай працай зарабляю, я не славалюбны, я хачу зрабіць шмат карыснага для нашага горада і для кожнага… Паважаныя сябры, калі нехта мяне падтрымлівае і гатовы зрабіць свой выбар! Я Вам буду вельмі ўдзячны! Будучыня за намі – таму, што мы маладыя!”, - напісаў Максім Суботкін.

Варта адзначыць, што гэты праўладны прэтэндэнт актывізаваў сваю дзейнасць за некалькі месяцаў да выбарчай кампаніі. Яшчэ ў траўні ён адмаўляўся, што збіраецца ісці на выбары. Але ў гэты ж час ён запусціў на папулярным мясцовым інтэрнэт-рэсурсе праект “Задай пытанне дэпутату”, рэклама якого вісела амаль на ўсіх гарадскіх аўтобусах, правёў распіяраную ў СМІ акцыю з удзелам БРСМ па прыборцы тэрыторыі ля Бярэзіны.

Некалькі дзён таму ў інтэрнэце з’явіліся і яго красамоўныя фотаздымкі, падобныя на перадвыбарчую фотасесію (фотаздымак уверсе).

Таксама ў свежых выпусках гарадскіх газет з’явіліся інтэрв’ю з дзеючай дэпутаткай Палаты прадстаўнікоў Аленай Шамаль і галоўным ідэолагам фабрыкі “Славянка” Мікалаем Плаксіцкім. Менавіта іх, па чутках, “сватаюць” гарадскія ўлады ў наступны склад ПП НС. Называюць нават акругі, па якіх пойдуць на выбары гэтыя людзі: Шамаль па Сельскай, Плаксіцкі па Ленінскай (Суботкіну, такім чынам, застаецца Першамайская).

Інтэрв’ю з Аленай Шамаль, якая зараз працуе ў камісіі па ахове здароўя ПП НС, называецца “Помогать людям – депутатский долг”, яно надрукаванае ў 52-м нумары “Бабруйскага жыцця”. У ім дэпутатка расказвае пра законапраекты, прынятыя парламентам, і пра сваю дзейнасць.

Ідэолаг швейнай фабрыкі мае вялікі вопыт працы ў выбарчых камісіях. Напрыклад, на апошніх прэзідэнцкіх выбарах ён займаў пасаду старшыні АВК па Ленінскім раёне. Інтэрв’ю з Мікалаем Плаксіцкім пад назвай “Социальный статус “Славянки” выйшла ў № 29 газеты “Коммерческий курьер”. У ім чыноўнік падрабязна расказвае пра дапамогу, якую аказваюць на фабрыцы працоўным.

"Праваабаронцы за свабодныя выбары"

 

Рэклама акцыі Суботкіна на гарадскім аўтобусе

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international