Вывесіўшага ў Віцебску сцяг вінавацяць у нанясенні матэрыяльнай шкоды

2012 2012-05-15T11:36:41+0300 1970-01-01T03:00:00+0300 be http://spring96.org/files/images/sources/vitebsk_-sciagg.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра з'яўленне сцяга на даху інтэрната медыцынскага універсітэту апыталі віцебскую актывістку "Еўрапейскай Беларусі" Алену Семенчукову. Падставай для падазрэнняў стаў фотаапарат, які дзяўчына мела пры сабе 4 траўня – у дзень з'яўлення сцяга.

Віцебская актывістка распавяла, што ёй патэлефанаваў капітан міліцыі Валеры  Вашкель і запрасіў на гутарку. Алена Семенчукова прапанавала паразмаляць па тэлефоне, аднак супрацоўніка міліцыі гэтая прапанова  не задаволіла. Дзяўчына запатрабавала, каб ёй даслалі позву, і праз некалькі гадзінаў капітан міліцыі зрабіў гэта асабіста.

Паводле Алены Семенчуковай, у міліцыі распытвалі, што яна і яе непаўнагадовы брат Сяргей рабілі 4 траўня на праспекце Фрунзе, дзе на адным з будынкаў 4 траўня быў вывешаны сцяг. Супрацоўнікі міліцыі сказалі дзяўчыне, што завялі справу паводле гэтага інцыдэнту, бо на даху інтэрната  нібыта былі пашкоджаныя нейкія трубы, пра што маецца адпаведны акт. І цяпер трэба знайсці таго, хто нанёс матэрыяльную шкоду медуніверсітэту.

Супрацоўнікі міліцыі патлумачылі, што вырашылі апытаць на гэты конт менавіта Алену Семенчукову, бо яна на праспекце Фрунзе была з фотаапаратам і нешта здымала.

Таксама яны папрасілі перадаць яе брату Сяргею, які зараз жыве ў іншым горадзе, каб ён таксама з'явіўся на гутарку ў інспекцыю па справах непаўнагадовых.

Раней у інспекцыю выклікалі маці Алены. Тады ў спадарыні запыталіся, ці ведае яна пра палітычныя перакананні дачкі і пра тое, што 20 сакавіка Алену затрымлівалі з плакатам  "Свабоду Сяргею Каваленку". Тады суддзя Чыгуначнага райсуду Алена Цыганкова аштрафавала актывістку за правядзенне несанкцыянаванай акцыі штрафам у памеры 175 тысяч рублёў. Маці пра гэта ведала, так што "выхаваўчай гутаркі" у міліцыі не атрымалася. Інспектар Вячаслаў Петкун параіў жанчыне "пагаварыць" з дзецьмі, каб яны "не сапсавалі сабе далейшае жыццё"

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international