Асуджанага Аляксандра Малчанава перавялі ў Магілёўскую калонію

Пра гэта правабаронцам паведаміла маці асуджанага ўдзельніка Плошчы.

Аляксандр Малчанаў быў асуджаны на 3 гады калоніі ўзмоцненага рэжыму за ўдзел у акцыі пратэсту 19 снежня. Прысуд, вынесены ў Фрунзенскім судзе 2 сакавіка, быў ім абскарджаны. Аляксандр мусіў чакаць разгляду сваёй касацыйнай скаргі ў СІЗА. Але, як стала вядома, ён падаў пісьмовы зварот з просьбай перавесці яго са следчага ізалятара ў калонію раней.

Жыхар Барысава, былы “зубровец” Аляксандр Малчанаў быў затрыманы 6 студзеня 2011 г. у сябе дома як падазраваны па крымінальнай справе аб масавых беспарадках. Яго змясцілі пад варту ў СІЗА КДБ і абвінавацілі па ч.2 арт.293 КК. Потым дадалося абвінавачанне па арт. 370 КК. 1-га сакавіка распачаўся суд, а 2-га суддзя Таццяна Чэркас вынесла прысуд: тры гады калоніі ўзмоцненага рэжыму. А.Малчанава прызналі вінаватым ва ўдзеле ў масавых беспарадках і знявазе дзяржаўных сімвалаў.