Праваабаронцы аб'яўляюць конкурс творчых прац на тэму смяротнага пакарання

2009 2009-03-09T17:28:00+0200 1970-01-01T03:00:00+0300 be http://spring96.org/files/images/sources/u_nece.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Запрашаем да ўдзелу ў конкурсе творчых прац на тэму смяротнага пакарання!

 

У студзені 2009 году ў Беларусі распачалася кампанія “Праваабаронцы супраць смяротнага пакарання”. У рамках гэтай кампаніі абвяшчаецца конкурс творчых прац па тэме смяротнага пакарання.

 

Нагадаем, што Беларусь застаецца адзінай краінай у Еўропе і на пастсавецкай прасторы, дзе да гэтага часу выконваюць смяротныя прысуды. А права на жыццё з’яўляецца неад’емным правам кожнага чалавека.

 

Конкурс праводзіцца пад эгідай праваабаронцаў і такіх арганізацыяў, як Беларускі Хельсінскі Камітэт, Праваабарончы цэнтр “Вясна”, Беларускі Пэн-цэнтр, Саюз беларускіх пісьменнікаў і Беларуская асацыяцыя журналістаў.

 

Мэта конкурсу – прыцягненне ўвагі грамадства і дзяржавы да праблемы смяротнага пакарання ў Беларусі.

 

Удзельнікам конкурсу прапануецца выказаць сваё стаўленне да выключнай меры пакарання – смяротнай кары.

 

Умовы конкурсу:

 

Творчыя працы па праблеме смяротнага пакарання прымаюцца толькі ў электронным выглядзе памерам не болей за 3 друкаваныя старонкі.

 

Калі ласка, дасылайце свае працы да 25 траўня 2009 году на электронную скрыню

nash.konkurs@gmail.com

 

 

У лісце павінна быць змешчаная кантактная інфармацыя, імя і прозвішча аўтара.

 

Пераможцы конкурсу будуць узнагароджаны прызамі. А лепшыя працы будуць змешчаныя на сайтах арганізатараў і патрапяць у зборнік творчых прац.

 

Арганізатары конкурсу пакідаюць за сабой права далейшага выкарыстання конкурсных прац з указаннем імя аўтара ў асветніцкай і іншай дзейнасці, скіраванай на прасоўванне і абарону правоў чалавека.

 

 

   “Праваабаронцы супраць смяротнага пакарання ў Беларусі”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international