Вызвалілі яшчэ двух палітвязняў — супрацоўнікаў PandaDoc

2020 2020-10-13T19:50:37+0300 2020-10-13T19:50:38+0300 be https://spring96.org/files/images/sources/pandadoc.jpeg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

13 кастрычніка змененая мера стрымання двум фігурантам справы PandaDoc — галоўная бухгалтарка Юлія Шардыка і HR Уладзіслаў Міхалап сёння вернуцца дадому. Раней, нагадаем, на волю выйшаў дырэктар мінскага офіса кампаніі Дзмітрый Рабцэвіч, ён быў сярод удзельнікаў сустрэчы з Аляксандрам Лукашэнкам у СІЗА КДБ. Тром фігурантам абраная мера стрымання ў выглядзе падпіскі аб нявыездзе, паведамілі TUT.BY адвакаты. Пад вартай застаецца яшчэ адзін супрацоўнік PandaDoc — менеджэр па прадукту Віктар Куўшынаў.

Арыштаваныя супрацоўнікі PandaDoc

11 верасня ўсім чацвярым затрыманым было прад'яўленае абвінавачванне ў махлярстве, здзейсненым арганізаванай групай альбо ў асабліва буйным памеры (ч. 4 артыкула 209 КК), хоць першапачаткова гаворка ішла аб крымінальнай справе па факце крадзяжу з бюджэту 107 тысяч рублёў (ч. 4 арт. 210 КК). Фігуранты віну не прызналі.

13 кастрычніка змененая мера стрымання на падпіску аб нявыездзе галоўнаму бухгалтару кампаніі Юліі Шардыка і HR Уладзіславу Міхалапу. Як паведамляюць адвакаты, у бліжэйшы час яны будуць дома.

Першым на волю выйшаў дырэктар мінскага офіса Дзмітрый Рабцэвіч, гэта адбылося 11 кастрычніка, на наступны дзень пасля візіту Аляксандра Лукашэнкі ў СІЗА КДБ, на той сустрэчы быў і Дзмітрый. Пасля вызвалення ў эфіры БТ ён заявіў, што яму даручылі рыхтаваць прапановы да паправак у Канстытуцыю і выкласці падыходы па вызваленні шэрагу асоб, якія «апынуліся не так грамадска небяспечнымі для нашай краіны, як здаваліся на першым этапе».

Пакуль пад вартай застаецца супрацоўнік PandaDoc — менеджар па прадукту Віктар Куўшынаў. Аднак адвакаты заяўляюць, што робяць усё магчымае, каб яму таксама змянілі меру стрымання, не звязаную з утрыманнем пад вартай.

На дадзены момант у Беларусі налічваецца 94 палітвязняў.

Апошнія навіны

Партнёрства

Сяброўства