Паездка ў Пінск каштавала блогерам Кабанаву і Пятрухіну вялікіх штрафаў

2018 2018-03-12T14:25:26+0300 2018-03-13T14:39:27+0300 be https://spring96.org/files/images/sources/piapruhin-kabanau-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Аляксандр Кабанаў і Сяргей Пятрухін. Фота з сацыяльных сетак.

Аляксандр Кабанаў і Сяргей Пятрухін. Фота з сацыяльных сетак.

У судзе Пінскага раёна і горада Пінска 12 сакавіка адбыўся разгляд адміністрацыйных спраў заведзеных на папулярных блогераў Сяргея Пятрухіна і Аляксандра Кабанава. Іх абвінавацілі ў незаконным вырабе прадукцыі СМІ па ч.2 арт. 22.9 КаАП. Прычынай пераследу блогераў стаў інцыдэнт з юрысконсультам завода акумулятараў Exide, размешчаным у Пінску, Аляксандрам Юнкевічам. Блогеры прыехалі ў Пінск 19 студзеня і хацелі распавесці пра гэтае прадпрыемства ў сацыяльных сетках. 

Юнкевічу не спадабалася, што ён патрапіў на відэа і ён паскардзіўся на дзеянні блогераў ўчастковаму інспектару.

Паводле слоў Сяргея Пятрухіна, 20 лютага яму на мабільны тэлефон патэлефанаваў супрацоўнік міліцыі Ленінскага РАУС Брэста і запрасіў яго 21 лютага ў 13.00 на размову з нагоды заявы юрысконсульта пінскага завода Exide. Быў складзены пратакол правапарушэння па ч.2 арт. 22.9 КаАП.

Як паведаміў у фэйсбуку Аляхновіч Зьміцер, сёння адбыўся суд. Справу разглядала суддзя Вольга Лубнік.

"Кабанаў і Пятрухін атрымалі па 40 базавых велічынь штрафу. У судзе прагучала,  што такі хостынг як YouTube, прызнаны ў Беларусі сродкам масавай інфармацыі і кожны, хто мае акаунт у сацыяльных сетках, ужо з’яўляецца журналістам" - паведамляе Аляхновіч.

Апошнія навіны

Партнёрства

Сяброўства