Паведамляйце праваабаронцам пра парушэнні на выбарах!

2016 2016-09-06T09:45:00+0300 2016-09-06T10:36:49+0300 be https://spring96.org/files/images/sources/call-center.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кампанія “Праваабаронцы за свабодныя выбары” адкрыла “гарачую лінію” для паведамленняў пра парушэнні падчас выбараў дэпутатаў у Палату прадстаўнікоў Нацыянальнага сходу 6-га склікання.  

Мы заклікаем паведамляць пра парушэнні, сведкамі якіх вы сталі.
Нас цікавяць наступныя факты:
- прымус да ўдзелу ў датэрміновым галасаванні
- незаконная агітацыя за кандыдатаў па месцы вашай працы ці вучобы
- укід бюлетэняў у скрыні на выбарчых участках
- замена выбарчых бюлетэняў.

Калі вы сталі сведкам пералічаных ці іншых парушэнняў выбарчага заканадаўства, паведамляйце пра іх, калі ласка:

Будзем удзячныя, калі да сваіх паведамленняў вы зможаце прыкласці відэа, аўдыё і фота, якія сведчаць пра зафіксаваныя вамі парушэнні.

Падчас датэрміновага і ў асноўны дзень галасавання па ўсёй краіне таксама будзе працаваць тэлефонная лінія:

З 5 да 14 верасня - з 09:00 да 21:00
11 верасня - кругласуткава.

Тэлефануйце на нумар, пазначаны для вашага горада ці рэгіёна.

Кожнае вашае паведамленне важнае! Канфідэнцыйнасць гарантуем!

Мы, назіральнікі кампаніі “Праваабаронцы за свабодныя выбары”, не падтрымліваем якія-небудзь палітычныя партыі. Мы вядзем незалежны маніторынг па ўсёй краіне і ў ацэнках выбарчага працэсу зыходзім выключна з прынцыпаў свабодных, дэмакратычных і празрыстых выбараў, пры якіх народ Беларусі можа ў поўнай меры рэалізаваць сваё канстытуцыйнае права на ўдзел у кіраванні сваёй краінай.   

Мы лічым сваім саюзнікам кожнага грамадзяніна, якому неабыякава, у якой Беларусі ён будзе жыць заўтра. Кожнага, хто адчувае асабістую адказнасць за ўдзел у любой несправядлівасці ці беззаконні, што ўкараняюцца дзяржавай.   

Не замоўчвайце несправядлівасць і беззаконне!

Апошнія навіны

Партнёрства

Сяброўства