viasna on patreon

Удзельнікі кастрычніцкіх акцый у Менску атрымліваюць позвы ў міліцыю і суды

2015 2015-10-16T13:35:41+0300 2015-10-16T16:20:18+0300 be https://spring96.org/files/images/sources/akcyja-2015-10-11-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Фота "Нашай нівы".

Фота "Нашай нівы".

Удзельнікаў акцый пратэсту, якія адбыліся ў Менску 10 і 11 кастрычніка, пачалі выклікаць у РУУСы і складаць пратаколы аб адміністрацыйных правапарушэннях.

Адразу па дзве позвы атрымалі кіраўнік Аб’яднанай грамадзянскай партыі Анатоль Лябедзька і пісьменнік Уладзімер Някляеў. Іх выклікаюць у РУУС Цэнтральнага і Савецкага раёнаў Мінска за акцыю "Шэсце нацыянальнага сцяга". Сустаршыню аргкамітэту па стварэнні партыі «Беларуская Хрысціянская Дэмакратыя» Віталя Рымашэўскага таксама выклікаюць у Цэнтральны РАУС Менска для разгляду адміністратыўнага правапарушэння аб парадку арганізацыі і правядзення масавага мерапрыемства.

Раней было вядома пра складанне пратаколаў за акцыю 11 кастрычніка на пяцёх актывістаў анархісцкага руху, якія правялі ноч у Цэнтры ізаляцыі правапарушальнікаў, а таксама на ўдзельнікаў мастацкага перфомансу Юрыя Урсу і Яўгена Амелькава.

15 кастрычніка на Менскі завод колавых цягачоў, дзе працуе яшчэ адзін удзельнік акцыі 11 кастрычніка Артур Жук прыйшлі два міліцыянты ў цывільным, склалі пратакол і ўручылі позву на 16 кастрычніка ў суд Маскоўскага раёна. Справу пачнуць разглядаць у 14-30. 

Артура Жука суддзя Тацяна Матыль аштрафавала на 4 базавыя велічыні, што складае 720 000 рублёў.

Радыё Свабода паведамляе, што 16 кастрычніка мусіць з'явіцца ў міліцыю Маскоўскага раёну літаратар Адам Глобус, які напярэдадні атрымаў адпаведную позву. 

Позвы атрымалі таксама некаторыя іншыя актывісты, якія ўдзельнічалі ў шэсці і мітынгу 11 кастрычніка.

Нагадаем, што ў дзень правядзення акцыі 11 кастрычніка пратакол быў складзены на Рыгора Скарабнеўскага па арт. 23.34. КаАП РБ - удзел у несанкцыянаваным масавым мерапрыемстве.

Апошнія навіны

Партнёрства

Сяброўства