26 красавіка – Дзень нараджэньня Вольгі Рыгораўны Завадскай

У маці журналіста Дзьмітрыя Завадскага, з моманту зьнікненьня якога неўзабаве споўніцца сем  гадоў, сёньня дзень нараджэньня. Нягледзячы на глыбокі душэўны боль, які пасяліўся ў сэрцы маці ў сувязі са зьнікненьнем сына Дзьмітрыя, яна захавала жыцьцёвы аптымізм, актыўную грамадзянскую пазіцыю. Яе імя заўсёды на слыху ў дэмакратычнага грамадства не толькі Беларусі, але і іншых краін. Вольга Рыгораўна прымае актыўны ўдзел у многіх акцыях і мерапрыемствах, якія скіраваны на пабудову сапраўды свабоднай і незалежнай дзяржавы.

Праваабарончы цэнтр “Вясна” далучаецца да віншаваньняў, якія сёньня гучаць у яе гонар і жадаюць жанчыне, маці і Чалавеку бясконцай надзеі, людской цеплыні і добрых навінаў яе дому.