Сто жанчын-праваабаронцаў затрымалі на Кубе напярэдадні Дня правоў чалавека

Масавыя затрыманні прайшлі на Кубе напярэдадні Міжнароднага дня правоў чалавека. Аб гэтым паведамляе 10 снежня Associated Press са спасылкай на Кубінскую камісію па правах чалавека і нацыянальнага прымірэння.
Паводле інфармацыі праваабаронцаў, больш за сто чалавек былі затрыманыя 9 лістапада ў Гаване на кароткі час і затым адпраўленыя дадому, каб не дапусціць святкавання Міжнароднага дня правоў чалавека, прымеркаванага да гадавіны прыняцця Усеагульнай дэкларацыі правоў чалавека.
Між тым у заяве Дзярждэпартамента ЗША паведамляецца, што 94 актывісткі руху "Жанчыны ў белым", які выступае супраць парушэнняў правоў чалавека на Кубе, былі затрыманыя і зьбітыя падчас штотыднёвай акцыі, піша lenta.ru.
Па словах лідэра руху Алехандро Гарсіі, удзельнікаў штотыднёвага нядзельнага маршу абвінавацілі ў правакацыі.
Рух "Жанчыны ў белым"  быў створаны жонкамі і сваякамі кубінскіх палітвязняў, якія дамагаліся іх вызвалення. У 2005 годзе яго ўдзельніцы былі ўзнагароджаны прэміяй Сахарава. Улады краіны неаднаразова заяўлялі, што рух фінансуецца з ЗША, а праўдзівай яго мэтай з'яўляецца разбурэнне дасягненняў кубінскай рэвалюцыі. Акцыі руху рэгулярна сканчаюцца разгонамі і арыштамі.